🛑 कावळगड्डा ग्रामसेविका सौ.नीता धनाजी माने यांच्या भ्रष्टाचाराची चौकशी करून निलंबित करण्यात यावे.

109

By Shahaji Warkhinde

June 27, 2025

🛑 कावळगड्डा ग्रामसेविका सौ.नीता धनाजी माने यांच्या भ्रष्टाचाराची चौकशी करून निलंबित करण्यात यावे.

शिवगर्जना न्यूज,

देगलूर प्रतिनिधी

कावळगड्डा तालुका देगलूर येथील वादग्रस्त व भ्रष्टाचारी ग्रामसेविका सौ नीता धनाजी माने हे बिनविरोध निवडणूक पार पडलेल्या गावांमध्ये राजकीय गट बाजी करुन गावातील शांतता भंग करीत असताना यांची राजकीय दबावामुळे पुन्हा पुन्हा कावळगड्डा येथे करण्यात आलेली बदली रद्द करुन भ्रष्टाचाराची चौकशी करून निलंबित करण्यात यावे. या मागणीसाठी ग्रामपंचायत सदस्य तथा शिवसेना शाखा प्रमुख शिवाजी जाधव पाटील, विना व्यंकट जाधव, शोभा मारोतराव गायकवाड, गौतम गंगाराम भालेमामारे या चौघांनी सदस्य पदाचा राजीनामा गटविकास अधिकाऱ्यांना देऊन दि.२६ जुन पासुन पंचायत समिती समोर सरपंच प्रतिनिधी आकाश गजले, योगेश पाटील यांनी ग्रामसेविका सौ. माने यांची नियुक्ती रद्द करा या मागणीसाठी आमरण उपोषणास बसले आहेत. या आमरण उपोषणाला शिवसेना उद्धव बाळासाहेब ठाकरे पक्षाच्या वतीने उपजिल्हाप्रमुख महेश पाटील, देगलूर शिवसेना शहर प्रमुख संजय अण्णा जोशी, शिवसेना सोशल मीडिया तालुका प्रमुख तथा युवा सेना प्रमुख भागवत पाटील सोमुरकर, युवा सेना शहर समन्वयक संतोष कांबळे, युवा सेना उप तालुकाप्रमुख आनंद सुर्यवंशी, उपविभागीय प्रमुख हाणमंत राजुरे, माजी सरपंच खंडू गायकवाड, तंटामुक्त समितीचे अध्यक्ष रमेश पाटील, शिवसेना शाखा प्रमुख शिवाजी जाधव पाटील आदींनी जाहीर पाठिंबा देऊन आंदोलन अधिक तीव्र करण्याचा इशारा दिला आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)

Previous article

🔴 देगलूर येथे लोकराजा छत्रपती शाहु महाराज यांची जयंती उत्साहात साजरी.

Next article

🛑अति मोबाईलचा वापर डोळ्यांसाठी अत्यंत घातक —-डॉ. तात्याराव लहाने

Shahaji Warkhinde

ताज्या बातम्या

ताज्या बातम्या