🔴 ताल योगी तबला विद्यालय च्या वतीने तबला व पखवाज कार्यशाळा.

🔴 ताल योगी तबला विद्यालय च्या वतीने नांदेड येथे तबला व पखवाज कार्यशाळा. 

“तालयज्ञ २०२५ – वर्ष दुसरे”

शिवगर्जना न्यूज, 

नांदेड प्रतिनिधी

नांदेड, तालयोगी तबला विद्यालय, नांदेड यांच्या वतीने यंदा दुसऱ्या वर्षीही भव्य तबला व पखवाज त्रिदिवसीय कार्यशाळेचे आयोजन करण्यात आले आहे. २५ ते २७ मे २०२५ दरम्यान गिरीराज मंगल कार्यालय, पूर्णा रोड, नांदेड येथे ही कार्यशाळा पार पडणार आहे.

या कार्यशाळेचे वैशिष्ट्य म्हणजे सुप्रसिद्ध तबलावादक व तालयोगी तबला विद्यालयाचे संस्थापक श्री. प्रशांत गाजरे (तालयोगी पदमश्री पं. सुरेश तळवलकर ह्यांचे शिष्य) यांचे प्रत्यक्षिक आणि मौलिक मार्गदर्शन लाभणार आहे.

कार्य शाळेत लय व लयकारी, प्रभावी रियाज पद्धती, घराणेदार कायदे, रेले, बंदिशी, पेशकर, तिहायांचा अभ्यास, इत्यादी अशा अनेक पैलूंवर मार्गदर्शन करण्यात येणार आहे. पहिल्या दिवशी ४ तासांचे दोन सत्र तर दुसऱ्या व तिसऱ्या दिवशी ४ तासांचे दोन व पहाटेचे २ तासांचे सत्र या कार्यशाळेत घेण्यात येणार आहेत . 

या कार्यशाळेत तबला व पखवाज वादनातील बल, निकास, रियाज, अक्षरांचा रियाझ, अक्षर काढण्याची पधत, तिहाई चा अभ्यास, घराणेदार कायदा, रेला, पेशकर, बंदिशी, चक्रधार, तबल्यातील जातींचा अभ्यास, आदी विषयांचा सखोल अभ्यास केला जाणार आहे.

तबला व पखवाज वादनातील मध्यम ते प्रगत पातळीवरील इच्छुक विद्यार्थ्यांसाठी ही एक अनमोल संधी आहे. प्रेरणादायी वातावरण, उच्च दर्जाचे मार्गदर्शन आणि भारतीय ताल परंपरेशी नातं जोडणारा हा “तालाचा उत्सव” ठरणार आहे. तालरूप घटकांची यज्ञरूपी साधना आणि भारतीय शास्त्रीय संगीताच्या अमूल्य परंपरेशी जोडले जाणे हा हेतू ठेवून कार्यशाळेचे आयोजन करण्यात आले आहे. या मध्ये सहभागी होणाऱ्या वादकानी आपली जागा आरक्षित करण्यासाठी शेवटची नोंदणी तारीख: १५ मे २०२५ आहे. 

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)