🛑 प्रभू श्रीरामाचे विचार प्रत्येकाच्या जीवनात दिसणे महत्त्वाचे— बेलगावकर

🔴 प्रभू श्रीरामाचे विचार प्रत्येकाच्या जीवनात दिसणे महत्त्वाचे —भागवताचार्य अंनत महाराज बेलगावकर. 

शिवगर्जना न्यूज, 

देगलूर : प्रतिनिधी

संपूर्ण विश्वाला मानवतावादी विचारांची शिकवण देेणारे व आदर्श मानवी जीवन कसे असावे ? याचा आदर्श म्हणजे प्रभु श्रीरामाचे जीवन चरित्र आहे. जगाच्या पाठीवर निष्कलंक व मर्यादा पुरुषोत्तम असे एकमेव चरित्र म्हणजे प्रभु श्रीरामाचे चरित्र आहे. प्रभू श्रीरामाला केवळ रामाचीच उपमा देता येते. व्यक्तिचे वर्तन धर्मयुक्त असेल तरच जीवनात सुख, समाधान व शांती लाभते. प्रभु रामाच्या जीवन चरित्रात सर्वात महत्वाची बाब प्रत्येक कृती धर्मयुक्त आहे. रामाच्या संपूर्ण जीवनात, विचार व आचरणात सरळता होती इतकेच नव्हे तर शत्रु बद्दल ही सरळता होती. रामाने धर्म, अर्थ, काम व मोक्ष या चारही पुरुषार्थचे पालन केले आहे. धर्माचे आपण पालन केल्यास धर्म आपले रक्षण करतो. सभोवतालच्या विविध घटना पाहता समाजाचा आहार, विहार, चालणे, वागणे, बोलणे इत्यादी सर्व कृती स्वकेंद्रित बनल्या आहेत. मनुष्याचे मन व वर्तन बिघडले आहे. अशा परिस्थितीत प्रत्येकाच्या मनाला खंबीर व मजबूत बनविण्याचे सामर्थ्य प्रभु रामचंद्राच्या विचारात व चरित्रात आहे. प्रत्येक मानवाचे अंत:करण, मन व बुद्धी शुद्ध करण्याचे सामर्थ्य प्रभु रामचंद्र जीवनात आहे. असे प्रतिपादन महाराष्ट्रातील प्रसिध्द भागवत कथाकार भागवताचार्य श्री अंनत महाराज बेलगावकर यांनी केले आहे. ते देगलूर येथे स्व. विमलताई चिद्रावार यांच्या स्मर्ती प्रीत्यर्थ आयोजित केलेल्या प्रवचन माला आकरावे पुष्प गुंफताना बोलत होते.

प्रारंभी दिप प्रज्वलन आणि प्रभु रामचंद्र व स्व. विमलताई चिद्रावार यांच्या प्रतिमेचे पूजन करण्यात आले. प्रा. गौतम भालेकर व प्रकाश सोनकांबले यांच्या भक्ती गीताने मान्यवरांचे स्वागत करण्यात आले. प्रास्ताविकपर भाषणातून किरण चिद्रावार यांनी स्व.विमलताई चीद्रावार यांच्या जीवन कार्यावर प्रकाश टाकला. त्यांच्या अध्यात्मिक क्षेत्रात केलेल्या भक्ती मुळे कुटुंबातील प्रत्येक सदस्याला नैतिक अधिष्टान लाभले आहे, असे प्रतिपादन केले. व आयोद्धा येथे भव्य व दिव्य स्वरूपाचे श्रीराम मंदी रास एक वर्ष झाले आहे ही बाब आपल्या पीढी साठी आभिमानाची बाब आहे असे प्रतिपादन केले. प्रवचानाद्वारे भागवताचार्य अंनत महाराज बेलगावकर असे म्हणाले की मानवी जीवनात मन, बुद्धी अंतकरण व पंच इंद्रियावर नियंत्रण या बाबी रामायनातून शिकायला मिळते. रामाच्या जीवनातून आदर्श तत्वाची उपासना केली तर व्यक्ती जीवनात आनंदी, समाधानी व सुखी राहू शकतो. त्यासाठी मनुष्याने रामायणात सांगितलेल्या मार्गानेच वाटचाल केली पाहिजे. राम जीवनातील अनेक दृष्टान्त सांगून त्यांनी मार्गदर्शन केले. कलयुगात मानवी जीवन यशस्वी करावयाचे असेल तर प्रभु रामाच्या विचारा शिवाय पर्याय नाही. मनुष्याने आध्यात्मिक विचाराची कास धरून वाटचाल केल्यास मन प्रसन्न राहते. जीवनात आनंद फुलतो असे प्रतिपादन केले.

कार्यक्रमास देगलूर शहरातील प्रतिष्टीत नागरिक मा. आमदार गंगाधरराव पटने, दमन चिद्रावार, अ.व्या.शिक्षण संस्थेचे उपाध्यक्ष जनार्धन चिद्रावार, कोषाध्यक्ष विलास तोटावार, कार्यकारीणी सदस्य रवींद्र अप्पा द्याडे, प्राचार्य डॉ. मोहन खताळ, प्रा बाबूराव उपलवार यांच्यासह बहुसंख्य नागरिक उपस्थित होते.

कार्यक्रम यशस्वी करण्यासाठी डॉ. रविंद चिद्रावार, डॉ. किरण चिद्रावार, अरुण चिद्रावार, प्रकाश चिद्रावार गुरुराज चिद्रावार व वल्लभ चिद्रावार, कर्मचारी तसेच कार्यक्रमाचे सूत्र संचालन व आभार प्रा.डॉ.बी.आर. कतुरवार यांनी केले. 

शिवगर्जना  न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)