🛑 १५ व्या वित्त आयोग निधीचा गैर वापर चौकशी करून कार्यवाही ची मागणी

🔴 हिपरगा येथे १५ व्या वित्त आयोग निधीचा गैर वापर चौकशी करून कार्यवाही ची मागणी. 

♦️आत्मदहन करण्याचा सामाजिक कार्यकर्त्यांचा इशारा. 

शिवगर्जना न्यूज, 

नायगाव : बाळासाहेब पांडे

नायगाव तालुक्यातील हिप्परगा (जा) येथील १५ व्या वित्त आयोगामार्फत झालेल्या कामांची चौकशी करण्यात यावे अन्यथा आत्मदहन करण्यात येईल असे निवेदन सामाजिक कार्यकर्ते विकास सुनील कदम, नंदकिशोर यादवराव कदम, आणि सुरेश उद्धवराव कदम यांनी गट विकास अधिकारी पंचायत समिती नायगाव यांच्याकडे दिले आहे.

नायगाव तालुक्यातील हिप्परगा (जा) या ग्रामपंचायती मध्ये १५ व्या वित्त आयोगात केलेल्या कामा मध्ये आर्थिक लोभा पोटी लाखो रुपयांचा निधीचा अपहार ग्रामसेवक सरपंच यांनी संगनमत करून केला आहे.केलेली कामे सुमार दर्जाची करून अपहार करण्यात आला आहे. याची चौकशी करून दोषींवर कार्यवाही करावी या साठी अनेक तक्रारी करण्यात आल्या.

सामाजिक कार्यकर्ते यांनी या वर्षाच्या सुरुवातीला १५ व्या वित्त आयोगाच्या चौकशीसाठी दि.१६/०१/२०२५ रोजी अर्ज करुन हि अद्याप चौकशी साठी कोणीही ईकडे फिरकलेच नाहित निराश झालेल्या कार्यकर्त्यांनी दि.१०/०४/२०२५ पर्यंत सदर कामाची चौकशी करा असे न झाल्यास दि.११/०४/२०२५ रोजी तहसील कार्यालया समोर आत्मदहन करण्यात येईल असा सज्जड इशारा दिला आहे. निवेदनावर नंदकिशोर यादवराव कदम, सुरेश उद्धवराव कदम, आणि विकास सुनील कदम यांच्या स्वाक्षऱ्या आहेत.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)