🛑 नरसी सेवा सहकारी सोसायटीची निवडणूक अटीतटी ची होणार

🔴नरसी सेवा सहकारी सोसायटीची निवडणूक अटीतटी ची होणार.

♦️ग्रामविकास का? आपलं पॅनल बाजी मारणार मतदार ठरवणार.

शिवगर्जना न्यूज,
नायगाव बाळासाहेब पांडे

नायगांव तालुक्यातील एकूण गावांपैकी नरसी येथील सेवा सहकारी सोसायटीचे निवडणूकीचे पडघम वाजले असुन येथील सेवा सहकारी सोसायटीच्या निवडणुकीतील उमेदवाराची अंतिम यादी ही नुकतीच जाहीर झाली असून. १ ३जागांसाठी २६ उमेदवारांचे उमेदवारी अधिकृत पणे जाहीर झाली आहे. दोन्ही गटांच्या वतीने प्रचाराची जोरदार तयारी करण्यात आली असून, निवडणुकी अगोदरच धुळवड होणार असल्याने मतदार राजाची धुळवड म्हणजेच शिमगा कर चांगली होणार असे चित्र स्पष्ट दिसत आहे, धुळवडीला रंग कोणाचाही लागो पण विजयाच्या गुलालाचा रंग कोणाला लागणार हे चित्र निवडणूक निकाला नंतर स्पष्ट होणार आहे.

नरसी हे गाव तसे छोटे पण चौरस्त्यावर असल्याने त्याला काला नुरूप मोठे रूप आले आहे.येथील सोसायटीवर दुसऱ्यांदा वर्चस्व प्रस्थापित करण्यासाठी भाजपाचे माजी जिल्हा सरचिटणीस तथा तुळजा भवानी जिनिंग फ्रेड्रेशनचे नव निर्वाचित चेअरमन श्रावण पाटील भिलवंडे यांच्या नेतृत्वाखाली आपलं पॅनलच्या माध्यमातून त्यांनी जोरदार तयारीची सुरुवात केली आहे. तर दुसरीकडे काँग्रेस चे जिल्हा उपाध्यक्ष संभाजी भिलवंडे, भाजपाचे जिल्हा सरचिटणीस माणिक लोहगांवे, शिवसेनेचे तालुकाप्रमुख रवींद्र भिलवंडे माजी उपसरपंच मोहनराव भिलवंडे, यांच्या नेतृत्वाखाली ग्रामविकास आपलं पॅनल उभे केले आहे.

ग्रामविकास पॅनलच्या माध्यमातून नरसीतील शेतकऱ्यांना कर्जपुरवठा व खते, बियाणे, कीटकनाशके आणि पशु खाद्य यांसारख्या आवश्यक वस्तू पुरवठा करण्याचे व गावच्या विकासासाठी विकासची कास धरण्याचे या वेळी अभिवचन देत सर्व पक्ष एकत्र येत श्रावण पाटील भिलवंडे यांना शह देण्याचा प्रयत्न ग्रामविकास पॅनल च्या माध्यमातून करण्यात आला आहे. ग्रामविकास पॅनलच्या रुपाने सत्ताधारी च्या आपलं पॅनल पुढे एक तगडे आव्हान निर्माण केलेगेले आहे. या दोन्ही पॅनल प्रमुखांनी कुठलीच उणीव न ठेवता आपल्या कट्टर समर्थकासह अधिकृत संभाव्य उमेदवारांसह व्यक्तीसह गावात भव्य रॅलीव्दारे मतदारांच्या गाठीभेटी घेत आहेत. परंतु येथील सेवा सहकारी सोसा यटीचे ४४० मतदार मात्र यंदाच्या निवडणुकी दोन्ही गटाच्या प्रमुखांना मतदान रुपानेआशिर्वाद देण्याचे अभिवचन देऊन दोन्ही कडे हात ठेवत आहेत.

ग्रामविकास पॅनल चे प्रमुख व आपलं पॅनल चे प्रमुखांनी आपलाच विजय होणार या तयारीने जोरदार प्रचार यंत्रणेत गुंतले असल्याचे सध्याचे चित्र दिसून येत असले तरी. सत्ताधारी आपलं पॅनल चे प्रमुख तथा श्री तुळजा भवानी जिनिंग फेड्रेरेशन चे नव निर्वाचित चेअरमन श्रावण पा भिलवंडे नी परत एकदा सेवा सहकारी सोसायटीवर येनकेन प्रकारे मतदारांची मनेजिंकून वर्चस्व प्रस्थापित करण्याच्या प्रयत्नात आहेत? अशी नरसी सह परिसरातील गावातील नागरिकामध्ये आता चांगल्याच चर्चा रंगू लागल्या आहेत.

परंतु यंदाच्या वर्षातील होऊ घातलेली सेवा सहकारी सोसायटीची पंचवार्षिक निवडणूकीत सेवा सहकारी सोसायटीच्या मतदारांना विकासाचे आश्वासन देत ग्राम विकास पॅनल उभे केल्यामूळे ही सोसायटी वरील सत्ता धारी आपलं पॅनल पुढे खूप मोठे आव्हान निर्माण झाले असले तरी आपलं पॅनल पुढे यंदाची पंचवार्षिक सेवा सहकारी सोसायटीची निवडणूक प्रतिष्ठेची ठरणार आहे

मतदार मात्र येणाऱ्या १६ तारखेला मतदान आशिर्वाद रुपी मतदान कोणत्या पॅनल च्या पारड्यात टाकतील हे हे अंदाज बांधणे सध्यातरी खूप कठीण झाले आहे. या निवडणुकीची नांदी म्हणजे भविष्याची जिल्हा परिषद व पंचायत समिती, ग्राम पंचायत निवडणुकीची रंगीत तालीम होय. निवडणूक आली सर्व भिलवंडे एक हे चित्र या निवडणुकीत दुरापास्त झाले आहे. याची कारणे ही तशीच आहेत हे विशेष आहे.

शिवगर्जना न्यूज संपादक : श्री शहाजी वरखिंडे
बातम्या व जाहिरातीसाठी संपर्क 🗣📲📞
(9923072242)