🛑 नायगाव झुम वेबकास्टद्वारे परीक्षेचे लाइव चित्रिकरण लातूर विभागात पहिला प्रयोग

🔴 झुम वेबकास्टद्वारे परीक्षेचे लाइव चित्रिकरण. 

नायगांव तालुक्याने राबविला लातूर विभागात पहिला प्रयोग. 

शिवगर्जना न्यूज, 

नायगाव : {बाळासाहेब पांडे}

गट शिक्षणाधिकारी कांबळे व टीमचे सर्वत्र कौतुक. 

नायगाव: बुधवारी झालेल्या १० वीच्या गणित भाग-१ पेपर मा. जिल्हाधिकारी, मा. मुख्य कार्यकारी अधिकारी, मा.जिल्हा पोलिस अधिक्षक यांच्या नियोजना नुसार नायगाव तालुक्यात झुम वेबकास्टद्वारे परीक्षेचे लाइव चित्रिकरण करण्यात आले. नायगांव तालुक्याने लातूर विभागात पहिला हा प्रयोग राबविला असून. नायगाव पंचायत समितीचे गट शिक्षणाधिकारी संग्राम कांबळे यांच्या मार्गदर्शना खाली सर्व कर्मचारी यांनी नायगाव मध्ये राबवलेल्या या स्तुत्य उपक्रमाचं सर्वत्र कौतुक होत आहे. 

बुधवारी पार पडलेल्या गणित विषयाच्या परीक्षे दरम्यान गट शिक्षणाधिकारी नायगांव संग्राम कांबळे यांनी लातूर विभागात अभिनव उपक्रम राबिवला असून हा उपक्रम लातूर विभागातील पहिला उपक्रम म्हणून नोंदविला गेला आहे. गट शिक्षणाधिकारी यांनी नायगांव तालुक्यातील सर्व १० वीच्या केंद्रावरील बैठे पथक व रनर यांना एकत्रित घेऊन झूम वेबकास्टद्वारे परीक्षा कालावधीचे लाइव चित्रिकरण करून घेतले. सदर लाईव चित्रिकरण त्यांनी स्वतः तसेच जिल्हास्तर व मंडळ स्तरावरील अधिका-यांसह एकत्रित पाहिले.

बैठे पथकातील सदस्य व रनर हे संबंधित परीक्षा केंद्रावर त्यांचे जवळील मोबाईलद्वारे परीक्षा कालावधीचे चित्रीकरण लाईव करत होते. यामुळे आजच्या परीक्षेत नायगांव तालुक्यातील कोणत्याही केंद्रावर अनुचित प्रकार घडून आल्याचे दिसून आले नाही. सदर झूम वेबकास्टद्वारे लाइव्ह चित्रीकरण करण्यासाठी गट शिक्षणाधिकारी कार्यालयात तालुका नियंत्रण कक्ष स्थापन करण्यात आला आहे. लाइव्ह चित्रीकरणासाठी तांत्रिक बाबींचे संचालन तंत्रस्नेही शिक्षक श्री.दीपक भांगे हे करीत आहेत. अभिनव उपक्रम राबविल्या बद्दल गट शिक्षणाधिकारी श्री संग्राम कांबळे यांचे सर्व स्तरावर कौतुक होत असून, मंडळ कार्यालयाकडून या बाबीची दखल घेतलेली आहे. यापुढील सर्व १२वी व १० वी बोर्डाच्या परीक्षांचे वेबकास्टद्वारे लाइव्ह चित्रीकरण केले जाणार असल्याचे गट शिक्षणाधिकारी यांनी सांगितले. तसेच विद्यार्थ्यांनी व त्यांच्या पालकांनी परीक्षेतील गैर प्रकारापासून दूर राहावे असे आवाहन केले आहे.

♦️गणित विषयाच्या पेपरला ७४ विद्यार्थ्यांनी पाठ फिरवली

नायगाव तालुक्यात इयत्ता १० वी च्या गणित विषयाच्या पेपरला एकूण १४ परीक्षा केंद्रावर एकुण ३७०९ परीक्षार्थ्यां पैकी ३६३५ परीक्षार्थ्यांनी परीक्षा दिली. त्यापैकी एकुण ७४ परीक्षार्थी गैरहजर होते…..अशी माहिती नायगाव चे परीक्षक अधिकारी अनंत रेंनगुटवार यांनी दिली.

♦️परीक्षेतील गैर प्रकार प्रकरणी सहा जणांवर कार्यवाही. 

♦️जिल्हा भरात गणिताच्या पेपरला १७२ विद्यार्थ्यांनी पाठ फिरवली.

नांदेड जिल्हयात इयत्ता १० वीच्या गणित विषयाच्या पेपरला एकूण १७२ परीक्षा केंद्रावर एकुण ४७३८३ परीक्षार्थ्यां पैकी ४६४३५परीक्षार्थ्यांनी परीक्षा दिली. त्यापैकी एकुण ९४८ परीक्षार्थी गैरहजर होते. आजची परीक्षेची उपस्थितीची टक्केवारी ९७.९९ टक्के एवढी होती.जिल्हास्तरवरील व तालुका स्तरावरील विविध भरारी पथकांनी जिल्हयातील परीक्षा केंद्रांना भेटी दिल्या.या मध्ये सहा रेस्टिकीट केल्याची माहिती आहे.

शिक्षणाधिकारी माध्यमिक श्री माधव सलगर यांनी विद्याविकास मा.वि. बा-हाळी ता. मुखेड येथील परीक्षा केंद्रास भेट दिली असता त्या ठिकाणी काही परीक्षार्थी गैरमार्गाचा वापर करतांना आढळल्यामुळे ०६ परीक्षार्थ्यांवर त्यांनी गैरप्रकार केल्यामुळे कारवाई केली असून त्याचा अहवाल मंडळ कार्यालयास सादर केला आहे.

शिक्षणाधिकारी योजना श्री दिलीपकुमार बनसोडे यांनी हळदा व कौठा केंद्रांना भेटी दिल्या असून उपशिक्षणाधिकारी माध्यमिक श्री रामचंद्र पाचंगे यांनी बेटमोगरा येथील केंद्रास भेट दिली. तसेच प्राचार्य, डायट श्री सुदर्शन चिटकुलवार यांनी लोहा तालुक्यातील कापसी गुंफा व नायगांव तालुक्यातील कोलंबी केंद्रास भेट दिली.     

उप शिक्षणाधिकारी प्राथमिक श्री अवधूत गंजेवार यांनी लोहा तालुक्यातील माळाकोळी व संत गाडगेबाबा मा वि लोहा या केंद्रांना भेटी दिल्या. या शिवाय जिल्हयातील उर्वरीत केंद्रावर कोणताही अनुचित प्रकार घडून आला नाही. परीक्षा सुरळीत पार पडली.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)