🛑 एका चुकीमुळे वाल्मीक गँग फसली अन् सी.आय.डी. च्या हाती लागले पुरावे

🔴 संतोष देशमुखांचा खून पचला असता, एका चुकीमुळे वाल्मीक गँग फसली अन् सी.आय.डी. च्या हाती लागले पुरावे. 

शिवगर्जना न्यूज, 

बिड

बीड मस्साजोगचे सरपंच संतोष देशमुख हत्या प्रकरणात दररोज नवनवीन खुलासे समोर येत आहेत. दोन दिवसांपूर्वी संतोष देशमुख यांच्या प्रत्यक्ष खुनाचे काही फोटो सोशल मीडियावर व्हायरल झाले.

यानंतर संपूर्ण महाराष्ट्रात याचे पडसाद उमटले. खंडणी, हत्या आणि ॲस्ट्रोसिटी प्रकरणातील मुख्य आरोपी असलेल्या वाल्मीक कराड शी असलेल्या जवळच्या संबंधांमुळे मुंडे ला राजीनामा द्यावा लागला.

खरं तर, अलीकडेच सी.आय.डी. ने बीडच्या विशेष कोर्टात आरोप पत्र दाखल केलं आहे. या प्रकरणात सी.आय.डी. ने आठ जणांना आरोपी ठरवलं असून, त्यांचा खून खंडणी आणि ॲट्रोसिटी प्रकरणात सहभाग असल्याचं आरोप पत्रात नमूद केलं आहे. तर धनंजय मुंडे यांचे निकटवर्तीय वाल्मीक कराड हाच संतोष देशमुख यांच्या हत्येचा मास्टरमाइंड असल्याचं आरोप पत्रात म्हटलं आहे. हे तिन्ही गुन्हे खंडणीच्या कारणातून झाल्याचं देखील आरोप पत्रात नमूद आहे. हा कट कुठे रचला, यात कुणाचा सहभाग होता, याबाबतचे सबळ पुरावे हाती लागल्यानेच वाल्मीक कराड सह त्याच्या टोळीवर आरोप निश्चिती करण्यात सी.आय.डी. ला यश आले.

♦️वाल्मीक कराड टोळी कुठे चुकली…

९ डिसेंबर २०२४ रोजी दुपारी ३ वाजून २२ मिनिटांनी सुदर्शन घुले, प्रतीक घुले, सुधीर सांगळे, कृष्णा आंधळे, जयराम चाटे आणि महेश केदार यांनी सरपंच देशमुख यांना उमरी टोल नाका येथे अडवले. त्यानंतर त्यांनी काळी जीप आणि कार अशा दोन वाहनां मधून देशमुख यांच अपहरण केलं होतं. पण ज्या काळ्या रंगाच्या गाडीतून देशमुख अपहरण करण्यात आलं, तीच गाडी वाल्मीक गँगसाठी कर्दनकाळ ठरली आहे. या गाडीत आढळलेल्या पुराव्यांमुळे वाल्मीक कराडसह त्याच्या टोळी भोवती फास घट्ट करण्यात तपास यंत्रणांना यश आलं आहे.

कारण सरपंच संतोष देशमुख यांच्या हत्या प्रकरणात जी काळ्या रंगाची गाडी वापरली होती. त्यात पोलिसांना १९ महत्त्वाचे पुरावे सापडले आहेत. सी.आय.डी. च्या तपासात आरोपी सुदर्शन घुलेची काळ्या रंगाची स्कार्पिओ गाडी ठरली महत्त्वाची ठरली. ही चूक झाली नसती तर मारेकऱ्यांना संतोष देशमुखांचा खून पचवता आला असता, सबळ पुराव्या आभावी आरोपींच्या सुटकेचा मार्ग मोकळा झाला असता, पण या एका चुकीमुळे आरोपी पूर्णपणे फसले.

♦️सुदर्शन घुलेच्या कारमधून कोणते पुरावे सापडले…

▪️आरोपींनी वापरलेले तीन मोबाईल सापडले व्हिडिओ आढळून आला.

▪️कारमधून दोन गॉगल्स सापडले.

▪️सुदर्शन घुले चे मारहाण करतानाचे काळ्या रंगाचे

जॉकेटही स्कार्पिओ गाडीत सापडले. 

▪️सहा आरसी बुक सापडले सुदर्शन घुलेचे, एटीएम कार्ड, पॅन कार्ड, ४१ लांबीचा पाईप सापडला. 

▪️लोखंडी पाईप ज्याला क्लच वायर बसवून तयार केलेले हत्यार.

▪️रक्ताचा डाग असलेला सीट कव्हर तुकडा सीआयडीला सापडला.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)