🛑 घरकुल योजने पासून वंचित ललिता घंटेवाड

🔴खैरगाव येथील ललिता घंटेवाड यांना देश स्वतंत्र पासून घरकुलाचा नाही लाभ ?

शिवगर्जना न्यूज, 

नांदेड प्रतिनिधी : निळकंठ जाधव 

पंचायत समितीचा कारभार पारदर्शक राहिला असता तर ग्रामीण भागातील गोरगरीब कुटुंब आज घरकुल योजने पासून वंचित राहिले नसते ही शोकांतिकाच म्हणावे लागेल मौजे खैरगाव येथील शंकर माधवराव घंटेवाड यांच्या कुटुंबाला देश स्वातंत्र्या पासून ते आजवर घरकुल योजनेचा लाभ मिळाला नाही गावचे सरपंच उपसरपंच ग्रामसेवक या कुटुंबा सोबत कोणता डाव खेळीत आहेत या प्रश्नाचे उत्तर ग्रामविकास अधिकारी श्री वाजे यांनी खैरगाव येथील ग्रामसभेत येऊन द्यावे असे पत्रकारांशी बोलताना शंकर घंटेवाड यांनी सवाल केलेला आहे. 

घरकुल लाभधारक २०१६ च्या यादीत सौ. ललिता शंकर घंटेवाड या लाभार्थ्याची नाव असून ते कसे व का वगळण्यात आले या मागचे मुख्य कारण काय असावे ललिताबाईचे पती शंकर घंटेवाड यांनी पंचायत समिती नायगाव येथे गटविकास अधिकारी यांच्याकडे २७ जानेवारी २०२५ रोजी अर्ज दाखल केलेला आहे परंतु आजवर तरी संबंधित बिडिओ यांनी कुठलीच कार्यवाही केलेली नाही, बि.डि.ओ. श्री वाजे यांनी एक वेळेस या कुटुंबाची प्रत्यक्ष भेट देऊन त्यांचे घर बघावे जुन्या काळातील दगड मातीची घर त्यांची मागील बाजू संपूर्ण ढासाळलेली, घरावर फारी झाकलेली दहा-पंधरा फुटाच्या पडक्या घरात शंकर यांची पत्नी दोन मुले वृद्ध आई एवढेजण जीवन जगतात, पावसाचे पाणी गळून गळून एके दिवशी संपूर्ण घरच कोसळले आणि त्यातील कुटुंबाची जीवित हानी झाली तर याला जबाबदार सरपंच ग्रामसेवक व गटविकास अधिकारी हे राहतील काय ? त्यांच्या मरणाचीच वाट ही यंत्रणा पाहते की काय ? हा प्रश्न पुढे येतो.

खैरगाव येथे अनेकांना घरकुलाचा लाभ मिळाला आहे एकाच कुटुंबातील व्यक्तींना दोन तीन चार वेळाही लाभ कधी रमाई आवास योजना तर कधी प्रधानमंत्री योजनेचा लाभ मिळाला ज्या मुलांची लग्न ही नाही त्यांचे कुटुंबही नाही तरीही त्यांना लाभ घेता आला असे खैरगाव मध्ये गेल्या पंचवीस वर्षा पासून ग्रामपंचायत मार्फत चालते तेव्हा गटविकास अधिकारी यांनी प्रत्यक्ष रीत्या गावात येऊन प्रधानमंत्री आवास योजनेची चौकशी करावी अशी विनंती अर्जात शंकर घंटेवाड यांनी नमूद केले आहे. संपन्न झालेल्या विधानसभा निवडणुकी च्या अगोदर खैरगाव येथे विद्यमान आमदार राजेश पवार आले असता त्यांना ललिताबाई शंकर घंटेवाड यांनी प्रत्यक्ष रीत्या आपल्या पडझड झालेल्या घराची अवस्था आमदार महोदय यांना दाखवली तेव्हा सरपंच यांनी चापुलशी पणा करीत चालू यादीत तुमचे नाव आहे घरकुल योजना तुम्हास नक्की मिळेल असे बोलून मोकळे झाले. मग आज या यादीतील नाव का वगळण्यात आले घरकुला विना ललिता शंकर घंटेवाड यांचे कुटुंब हालाखीचे जीवन जगत आहेत हे गटविकास अधिकारी यांनी डोळसपणे पाहणे गरजेचे आहे

◼️शंकर घंटेवाड हा खैरगाव ग्रामपंचायत निवडणुकीत अपक्ष म्हणून उभा राहिल्याने त्यांचा वचपा काढण्यासाठी हे मुख्य कारण मनात ठेवून त्यांना फाटक्यातच ठेवण्यात सरपंच उपसरपंच हे धन्यता मानतात असे यावरून दिसून येते.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)