🛑 महिलांकडून लघुशंकेसाठी सुलभ शौचालय चालक करतो पैसे वसुली

🔴 महिलांकडून लघुशंकेसाठी सुलभ शौचालय चालक करतो पैसे वसुली. 

बिलोली बसस्थानक येथील सुलभ शौचालय चालवणाऱ्या व्यक्ती महिलांकडून लघुशंकेसाठी महिलांना वेठीस. 

शिवगर्जना न्यूज, 

कुंडलवाडी (सिध्दार्थ कांबळे) 

बिलोली तालुक्यात कुंडलवाडी शहरातून व खेड्यापाड्यातून अनेक नागरिक व महिला मोठ्या प्रमाणात विविध कामासाठी बिलोली येथे येत असतात तर काही जणाचे काम येथील अतिरिक्त जिल्हा सत्र न्यायालयात असते तर काही जणाचे काम तहसील कार्यालय मध्ये असते. आणि कोणाचे काम पोलीस स्टेशन मध्ये असते. काही जणांची कामे पंचायत समिती मध्ये असल्याकारणाने बिलोली येथे नागरिकांची मोठ्या प्रमाणात नेहमीच गर्दी पाहावयास मिळते. त्यामुळे बिलोली नगर परिषदेकडून जुन्या नगरपरिषद च्या जागेवर सुलभ शौचालय नागरिकांच्या सोयीसाठी बांधण्यात आले असून याला कंत्राटी पद्धतीने एका व्यक्तीला चालवण्यासाठी देण्यात आले आहे. परंतु सुलभ शौचालय चालवणारा व्यक्ती हा लघुशंका करण्यासाठी येणाऱ्या महिलांना उद्धट भाषेचा वापर करून त्यांच्याकडून विनाकारण लघुशंकेसाठी पैसे उकळण्याचा गोरख धंदा चालू केला असून यामुळे महिलांमध्ये तीव्र पद्धतीची नाराजगी दिसून येत आहे. याकडे बिलोली नगरपरिषद प्रशासनाने या गंभीर समस्येकडे तात्काळ लक्ष देऊन सुलभ शौचालय चालवणाऱ्या व्यक्तीची महिलांप्रती होणारी दादागिरी तात्काळ थांबवून सुलभ शौचालय चालवणाऱ्या व्यक्तीला नोटीस देऊन कारवाई करण्यात यावी. सुलभ शौचालय मध्ये लघुशंका करण्यासाठी येणाऱ्या महिलांना कोणत्या प्रकारची अडचण निर्माण होणार नाही. याची जबाबदारी नगर परिषद प्रशासनाने तात्काळ काळजी घेणे गरजेचे असून यासाठी ठोस उपायोजना करण्यात यावे. अन्यथा महिलांच्या तीव्र संतापाला बिलोली नगर परिषद प्रशासन जबाबदार राहील असे येथील नागरिकांमधून बोलले जात आहे.

◼️तर दुसरीकडे बिलोली बसस्थानक येथील सुलभ शौचालय चालवणाऱ्या व्यक्ती सुध्दा लघुशंकेसाठी येणाऱ्या नागरिकांकडून व महिलांकडून पैसे वसुली करण्याचा गोरख धंदाही चालू केल्यामुळे नागरिकांमध्ये सुलभ शौचालय चालवणाऱ्या व्यक्तीच्या विरोधात नाराजगी दिसून येत असल्याचे बोलले जात आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)