🛑 देगलूर छत्रपती शिवाजी महाराजांची जयंती मोठ्या उत्साहात साजरी करण्यात आली

🔴 शिवरायांना अभिवादन करण्यासाठी शिवस्मारकावर अलोट गर्दी….! 

♦️शिवजन्मोत्सवाच्या विविध कार्यक्रमाने दुमदुमली देगलूर नगरी. 

शिवगर्जना न्यूज, 

देगलूर प्रतिनिधी {9923072242} 

छत्रपती शिवाजी महाराज यांच्या जयंती उत्सवानिमित्त शहरासह तालुक्यातील ग्रामीण भागात हा उत्सव मोठ्या उत्साहाने साजरा करण्यात आला. शहरातील शिवछत्रपतीच्या स्मारकाजवळ गेल्या तीन दिवसा पासून कृषी प्रदर्शन, शिवकथा, व्याख्याने, विद्यार्थ्यांचे सांघीक मैदानी खेळ अशा विविध कार्यक्रमांची रेलचेल सुरू होती. बुधवार ता. १९ रोजी १२ वाजता शिवस्मारकावर पुष्पवृष्टी करून दुग्धअभिषेक करण्यात आला. यावेळी अलोट गर्दी जमली होती. सकाळी ९ वा. शिव छत्रपतींच्या अश्वारूढ पुतळ्याजवळ शिवरायांना अभिवादन करण्यासाठी शिवभक्तांची मोठी गर्दी केली. यावेळी आमदार जितेश आंतापुरकर यांच्या हस्ते शिवाजी महाराजांच्या पुतळ्याला क्रेनच्या साह्याने पुष्पहार घालण्यात आले. यावेळी शिवाजीराव देशमुख, ॲड. प्रीतम देशमुख, शिवस्मारक समितीचे अध्यक्ष अंकुश देसाई, माजी नगराध्यक्ष शंकरराव कंतेवार, मोगलाजी शिरसेटवार, माजी सभापती माधवराव मिसाळे, ॲड रामराव नाईक, लक्ष्मीकांत पदमवार, शिवजयंती महोत्सव समितीचे अध्यक्ष मंगल पाटील, निवृत्ती कांबळे, धोंडीबा कांबळे, अशोक कांबळे, भाजपचे शहराध्यक्ष प्रशांत दासरवार, सेनेचे उपजिल्हाप्रमुख महेश पाटील, नागनाथ वाडेकर, मुख्याधिकारी तानाजी चव्हाण तहसीलदार भरत सूर्यवंशी, रमेश जाधव, कैलास येसगे, जयदीप वरखिंडे,संतोष बालाजी पा. आंदेगावकर, बालाजी पा. थडके यांच्यासह सर्व पक्षाचे पदाधिकारी, कार्यकर्त्यांची मोठ्या संख्येने उपस्थिती होती. यावेळी डॉ. सुनील जाधव व जिजाऊ ब्रिगेडच्या संचाने जिजाऊ वंदना गाऊन शिवजन्मोत्सवाचा पाळणा गायीला. दुपारी जागृती विद्यालयाच्या विद्यार्थ्यांनी मैदानी क्रीडा स्पर्धेतील सांघिक खेळाने अभूतपूर्व देखावे सादर केले ता. १७ रोजी कृषी प्रदर्शनाचे उद्घाटन आमदार प्रताप पाटील चिखलीकर यांच्या हस्ते झाले. यावेळी आमदार जितेश अंतापुरकर यांची प्रमुख उपस्थिती होती. तसेच जिल्ह्यासह बाहेरील जिल्ह्यातील जवळपास ६० स्टॉल उभारण्यात आले होते. रात्री प्रसाद महाराज काष्टी यांचे कीर्तन झाले. ता. १८ रोजी कृषी क्षेत्रात उल्लेखनीय कार्य करणाऱ्या तालुक्यातील प्रयोगशील शेतकऱ्यांचा खा. रवींद्र चव्हाण यांच्या हस्ते सत्कार करण्यात आला. यावेळी आमदार जितेश अंतापूरकर यांची उपस्थिती होती. रात्री निलेश जगताप यांचे शिवचरित्रावर व्याख्यान झाले.

ता.१९ रोजी दुपारी शहरातील प्रमुख मार्गावरून शिवरायांच्या तैलचित्राची मिरवणूक काढून शिवरायाच्या घोषणेने अख्खे शहर दुमदुमले यामध्ये लेझीम पथकासह विविध सांस्कृतिक संचाने यामध्ये भाग घेतला होता. 

सायंकाळी शिवस्मारकावर विद्युत रोषणाई करून आतिषबाजी करण्यात आली. शिवजन्मोत्सव उत्साहात साजरा करण्यासाठी शिवजयंती उत्सव समितीच्या सर्व पदाधिकाऱ्यांनी परिश्रम घेतले.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞

(9923072242)