🔴 महसूल सप्ताह विविध उपक्रमांनी साजरा करणार – तहसीलदार गायकवाड

🔴 महसूल सप्ताह विविध उपक्रमांनी साजरा करणार. — तहसीलदार धर्मप्रिया गायकवाड

शिवगर्जना न्यूज, 

नांदेड प्रतिनिधी : निळकंठ जाधव

नायगांव : राज्यभर महसूल दिन साजरा करण्यात यावा या आदेशाला अनुसरून यावर्षी देखील शासन निर्णयानुसार नायगांव तालुक्यात मुख्यमंत्री माझी लाडकी बहीण योजनेला प्राधान्य देत विविध उपक्रम राबवून दिनांक ०१ ऑगस्ट ते ०७ ऑगस्ट या कार्यकाळात महसूल सप्ताह उत्साहात साजरा करणार असल्याची माहिती तहसीलदार धमप्रिया गायकवाड यांनी आज दि. ३० जुलै रोजी आयोजित पत्रकार परिषदेत माध्यमांशी बोलताना दिली.

तालुका परिसरातील महसुली कामे वेळेवर पूर्ण करण्याच्या दृष्टिकोनातून तहसील प्रशासन सज्ज असून दरम्यान काळात मुख्यमंत्री माझी लाडकी बहीण या योजनेसाठी लागणारी लागणारे उत्पन्न प्रमाणपत्र, नागरिकत्व प्रमाणपत्र, जातीचे प्रमाणपत्र, रहिवासी प्रमाणपत्र, राशन कार्ड हे लोकांनालवकरात लवकर देण्याच्या दृष्टिकोनातून आमचे प्रयत्न सुरू आहेत. मात्र इंटरनेट चा प्रश्न उद्भवत आहे त्यामुळे थोडासा विलंब होत आहे आणि योजनेसाठी पुर्ण ऑगष्ट महिन्याचा कालावधी शिल्लक आहे तेव्हा लाभार्थ्यांनी काळजी करू नये सर्व बहिणींचे अर्ज ऑनलाईन होतील आज घडीला तालुक्यामधील २४,३८१ अर्ज हे ऑनलाईन झाले आहेत त्यासाठी गट विकास अधिकारी, बाल विकास प्रकल्प अधिकारी यांसह गाव पातळीवर ग्रामसेवक, केंद्र चालक, अंगणवाडी सेविका यांचे युध्द पातळीवर कार्य सुरू असल्याची माहिती दिली.

त्याच बरोबर दिनांक ०१ ऑगस्ट रोजी महसूल दिनाचा शुभारंभ करीत असताना मुख्यमंत्री माझी लाडकी बहीण योजना या विषयी माहिती देणे, ०२ ऑगस्ट रोजी मुख्यमंत्री युवा प्रशिक्षण योजना, ०३ऑगस्ट मुख्यमंत्री तीर्थ दर्शन योजना, ०४ ऑगस्ट रोजी स्वच्छ व सुंदर माझे कार्यालय, ०५ ऑगस्ट सैनिक हो तुमच्यासाठी, ०६ ऑगस्ट एक हात मदतीचा दिव्यांगाच्या कल्याणाचा, ०७ ऑगस्ट महसूल संवर्गातील कार्यरत सेवानिवृत्त अधिकारी कर्मचारी संवाद उत्कृष्ट अधिकारी कर्मचारी पुरस्कार वितरण व महसूल सप्ताहाची सांगता समारंभ आयोजित करणार असल्याची माहिती नायगाव तहसील, तहसीलदार धम्मप्रिय गायकवाड यांनी आमच्या प्रतिनिधीशी बोलताना व्यक्त केले.

यावेळी नायब तहसीलदार संजय देवराये, विजय येरावार, अव्वल कारकून शेख युनूस या सह महसूल कर्मचारी मोठ्या संख्येने उपस्थित होते.