🛑 उपक्रमशील महिला शिक्षक पुरस्काराने वैशाली सागावे (जाधव) यांचा सन्मान

🔴उपक्रमशील महिला शिक्षक पुरस्काराने वैशाली सागावे (जाधव) यांचा सन्मान

शिवगर्जना न्यूज | देगलूर प्रतिनिधी

देगलूर, दि. १३ सप्टेंबर २०२६ : चालुक्यकालीन नगरी येरगी येथील जिल्हा परिषद शाळेच्या सहशिक्षिका सौ. वैशाली वामनराव सागावे (जाधव) यांना विद्यार्थ्यांच्या शैक्षणिक, सामाजिक व सांस्कृतिक विकासासाठी राबविलेल्या विविध उपक्रमांतील उल्लेखनीय योगदानाबद्दल ‘उपक्रमशील महिला शिक्षिका पुरस्कार २०२६’ देऊन गौरविण्यात आले.

यशवंत कर्मचारी सहकारी पतसंस्था म., देगलूर यांच्या वतीने पतसंस्थेच्या ४० व्या सर्वसाधारण सभेच्या औचित्याने सिद्धेश्वर पॅराडाईज, देगलूर येथे हा पुरस्कार प्रदान करण्यात आला. डॉ. मिनल निरंजन पाटील खतगावकर, एन.डी.सी. बँक उपाध्यक्षा, बालाजी टेकाळे, ॲड. अंकुश देसाई देगावकर उपनगराध्यक्ष, ॲड. प्रितम देशमुख हनेगावकर तालुकाध्यक्ष, भावना दाशेटवार तसेच पतसंस्थेचे चेअरमन अजित कदम यांच्या हस्ते सौ. वैशाली सागावे (जाधव) यांचा सन्मान करण्यात आला.

विद्यार्थ्यांच्या सर्वांगीण विकासासाठी कृतीशील उपक्रम राबवून शैक्षणिक, सामाजिक व सांस्कृतिक संवर्धनाला चालना देत विकसित व सशक्त राष्ट्रनिर्मितीसाठी योगदान दिल्याबद्दल त्यांना यापूर्वी शिक्षक दिना निमित्त ‘गुरुगौरव पुरस्कार’ देखील प्राप्त झाला आहे.

यावेळी जि.प.प्रा. शाळा, सांगवी करडखेड, यांचा उत्कृष्ट शाळा म्हणून सन्मान करण्यात आला. शाळेचे सुवर्णकार गोविंद व मुख्याध्यापक चंद्रशेखर जाधव यांनी हा पुरस्कार स्वीकारला.

कार्यक्रमात खासदार रवींद्र चव्हाण, डॉ. मिनल ताई पाटील तसेच शिक्षक नेते सुधाकर थडके यांनी शुभेच्छा व मार्गदर्शनपर मनोगत व्यक्त केले.

यावेळी यशवंत कर्मचारी सहकारी पतसंस्था चेअरमन यांच्यासह पदाधिकारी पदाधिकारी, कर्मचारी, शिक्षक-शिक्षिका, मित्र परिवार व पाहुण्यांची मोठ्या संख्येने उपस्थिती होती.

मुख्य संपादक : श्री. शहाजी वरखिंडे

मो. ९९२३०७२२४२