🛑 शहापूर गावांतर्गत व्हॉलीबॉल स्पर्धेत श्री. क्रांती गणेश मंडळाचा दणदणीत विजय.

🔴 शहापूर गावांतर्गत व्हॉलीबॉल स्पर्धेत श्री. क्रांती गणेश मंडळाचा दणदणीत विजय.

जय भवानी गणेश मंडळाच्या वतीने भव्य स्पर्धेचे आयोजन; १० संघांचा सहभाग.

शिवगर्जना न्यूज,
शहापूर ता. देगलूर

शहापूर येथे जय भवानी गणेश मंडळाच्या वतीने भव्य शहापूर गावांतर्गत व्हॉलीबॉल स्पर्धेचे आयोजन करण्यात आले होते. या स्पर्धेत गावातील एकूण १० संघांनी सहभाग नोंदविला. स्पर्धेदरम्यान सर्वच संघांनी उत्कृष्ट खेळाचे प्रदर्शन करत चुरशीच्या आणि रोमांचक लढती रंगवल्या.

अत्यंत अटीतटीच्या झालेल्या या स्पर्धेत श्री. क्रांती गणेश मंडळ, शहापूर संघाने उत्कृष्ट खेळाचे प्रदर्शन करत प्रथम पारितोषिक पटकावले. जय भवानी गणेश मंडळ, शहापूर संघाने द्वितीय, तर सार्वजनिक गणेश मंडळ, शहापूर संघाने तृतीय क्रमांक मिळविला.
विजयी श्री. क्रांती गणेश मंडळाच्या संघात कर्णधार योगेश आरकलवार यांच्यासह अनिकेत पुल्लागोर, दिलीप दोंगलवार, यशपाल कंनकंटे, लच्छाराम सुरकुंटे, निखिल जोरगुलवार, पवन पांचाळ, अजय तेलंगे, संजय पांचाळ, शंकर शेषनगार आणि श्रावण पुल्लागोर यांनी अप्रतिम खेळ करत संघाच्या विजयात मोलाची भूमिका बजावली.
स्पर्धेतील वैयक्तिक उत्कृष्ट कामगिरीबद्दल बेस्ट अटॅकरचा पुरस्कार योगेश आरकलवार, तर बेस्ट लिब्रोचा पुरस्कार संतोष कोत्तावार यांना देऊन गौरविण्यात आले.

स्पर्धेतील प्रथम पारितोषिक ५,१०० रुपये कै. नितीनरेड्डी अचनगार यांच्या स्मरणार्थ श्री. श्रीनिवासरेड्डी वेंकटरेड्डी मामडे यांच्यातर्फे देण्यात आले. द्वितीय पारितोषिक ३,१०० रुपये मल्लनरेड्डी मल्लू चिंतलवार (मा. जि. प. सदस्य, शहापूर) यांच्यातर्फे, तर तृतीय पारितोषिक १,१११ रुपये विठ्ठलरेड्डी पुल्लागोर यांच्यातर्फे देण्यात आले.
यावेळी प्रमुख पाहुणे म्हणून माजी राष्ट्रीय खेळाडू गंगारेड्डी यालावार, मा. जि. प. सदस्य मल्लनरेड्डी चिंतलवार, विठ्ठलरेड्डी पुल्लागोर, नरदेवरेड्डी पुल्लागोर, व्यंकटरेड्डी मामडे आणि भुमरेड्डी चामावार उपस्थित होते.

स्पर्धेतील सर्व सामने व्यवस्थित व निर्विघ्नपणे पार पाडण्यासाठी रतन चिंतलवार, वैभव मामडे, ऋतिक सुरकंटे, सचिन चामावार तसेच जय भवानी गणेश मंडळाच्या सर्व सदस्यांनी विशेष परिश्रम घेतले. त्यांच्या नियोजनामुळे स्पर्धेला उत्स्फूर्त प्रतिसाद मिळाला.
🔴मुख्य संपादक: श्री शहाजी वरखिंडे
मो. 9923072242