🛑 घुंगराळ्याच्या रोहितची राज्यस्तरावर दमदार कामगिरी!

1

August 18, 2026

🛑 घुंगराळ्याच्या रोहितची राज्यस्तरावर दमदार कामगिरी!

लोकशाही वक्तृत्व स्पर्धेत तृतीय क्रमांक; जिल्हाधिकारी कार्यालयातील नियोजन भवनात खासदारांच्या हस्ते सत्कार

शिवगर्जना न्यूज,

नायगाव प्रतिनिधी : दिपक गजभारे

घुंगराळा : राज्यस्तरीय लोकशाही वक्तृत्व स्पर्धेत घुंगराळा येथील रोहित रमेश आढाव यांनी तृतीय क्रमांक पटकावत घुंगराळा गावाच्या शिरपेचात मानाचा तुरा रोवला आहे. त्यांच्या या उल्लेखनीय यशाबद्दल नांदेड जिल्ह्याचे लोकप्रिय खासदार रवींद्र वसंतराव पाटील चव्हाण यांच्या हस्ते नांदेड येथील जिल्हाधिकारी कार्यालयातील नियोजन भवन येथे आयोजित सत्कार समारंभात रोहित आढाव यांचा गौरव करण्यात आला.

राज्यस्तरीय लोकशाही वक्तृत्व स्पर्धेत रोहित रमेश आढाव यांनी आपल्या अभ्यासपूर्ण मांडणी, प्रभावी वक्तृत्व आणि आत्मविश्वासाच्या जोरावर उत्कृष्ट कामगिरी करत तृतीय क्रमांक मिळवला. राज्यस्तरीय स्पर्धेत ग्रामीण भागातील युवकाने मिळवलेले हे यश घुंगराळा गावासाठी अभिमानाची बाब ठरली आहे.

रोहित आढाव यांनी आपल्या प्रभावी वक्तृत्वातून राज्यस्तरीय व्यासपीठावर घुंगराळा गावाचे नाव पोहोचवले आहे. त्यांच्या यशामुळे गावातील विद्यार्थी, युवक, पालक, शिक्षक आणि ग्रामस्थांमध्ये आनंदाचे वातावरण निर्माण झाले आहे.

जिद्द, मेहनत, अभ्यास आणि आत्मविश्वासाच्या जोरावर ग्रामीण भागातील युवकही राज्यस्तरीय व्यासपीठावर आपली वेगळी ओळख निर्माण करू शकतात, हे रोहित आढाव यांच्या यशाने दाखवून दिले आहे.

नांदेड येथील जिल्हाधिकारी कार्यालयातील नियोजन भवन येथे आयोजित सत्कार समारंभात खासदार रवींद्र वसंतराव पाटील चव्हाण यांच्या हस्ते रोहित रमेश आढाव यांचा सत्कार करण्यात आला. यावेळी त्यांच्या यशाचे कौतुक करून पुढील वाटचालीसाठी शुभेच्छा देण्यात आल्या.

दिपक गजभारे यांच्या वतीने अभिनंदन

दरम्यान, रोहित रमेश आढाव यांच्या या उल्लेखनीय यशाबद्दल दिपक माधवराव गजभारे, घुंगराळा, जिल्हा उपाध्यक्ष, वंचित बहुजन युवा आघाडी, नांदेड दक्षिण यांच्या वतीने रोहित आढाव यांचे विशेष अभिनंदन करून पुढील वाटचालीस शुभेच्छा देण्यात आल्या.

ग्रामीण भागातील युवकांनी शिक्षणासोबतच वक्तृत्व, सामाजिक जाणीव आणि विविध स्पर्धांमध्ये सहभागी होऊन आपली गुणवत्ता सिद्ध करावी, असे मत यावेळी व्यक्त करण्यात आले.

घुंगराळा गावची शान!

रोहित आढाव यांच्या यशामुळे घुंगराळा गावाच्या शिरपेचात आणखी एक मानाचा तुरा रोवला असून, त्यांच्या या यशाबद्दल ग्रामस्थ, विद्यार्थी, शिक्षक, पालक व मित्रपरिवारातून अभिनंदनाचा वर्षाव होत आहे.

राज्यस्तरीय वक्तृत्व स्पर्धेत तृतीय क्रमांक मिळवून घुंगराळ्याचे नाव उज्ज्वल करणाऱ्या रोहित रमेश आढाव यांचे हार्दिक अभिनंदन व पुढील यशस्वी वाटचालीस मनःपूर्वक शुभेच्छा…

🔴मुख्य संपादक: श्री शहाजी वरखिंडे

मो. 9923072242

Buy now

🛑 घुंगराळ्याच्या रोहितची राज्यस्तरावर दमदार कामगिरी!

ताज्या बातम्या

🛑 कोलंबीचे हणमंत कोकुर्ले ठरले ‘आदर्श संगणक परिचालक’

🛑 आम्ही वारकरी परिवाराकडून संपूर्ण महाराष्ट्रात ग्रंथराज ज्ञानेश्वरी पारायणाचे आयोजन

🛑 महिलाशक्तीच्या बळावर शिवसेना संघटना मजबूत करूया!

ताज्या बातम्या

🛑 कोलंबीचे हणमंत कोकुर्ले ठरले ‘आदर्श संगणक परिचालक’

🛑 आम्ही वारकरी परिवाराकडून संपूर्ण महाराष्ट्रात ग्रंथराज ज्ञानेश्वरी पारायणाचे आयोजन

🛑 महिलाशक्तीच्या बळावर शिवसेना संघटना मजबूत करूया!

🛑 हदगाव रेस्ट हाऊस येथे पोलीस मित्र संघटनेची बैठक; पदाधिकाऱ्यांना मार्गदर्शन

🛑 लोकप्रिय नेते वसंतराव चव्हाण यांच्या जयंतीनिमित्त रुग्णांना फळवाटप.