🛑 बॅंकेच्या दिरंगाई विरोधात दिव्यांगाचे चे उपोषण; तर विमा देण्याचे लेखी आश्वासन

🔴 बॅंकेच्या दिरंगाई विरोधात दिव्यांग उद्धव काळेंचे उपोषण; तर विमा देण्याचे लेखी आश्वासन.

शिवगर्जना न्यूज, 

देगलूर प्रतिनिधी

​देगलूर : कामाजीवाडी येथील अपघातात जखमी झालेले दिव्यांग उद्धव काळे यांना बँक ऑफ महाराष्ट्रच्या दिरंगाईचा फटका बसला आहे. अपघात विम्याचा प्रस्ताव हेड ऑफिसमध्ये धुळखात पडल्याने, अखेर न्याय मिळवण्यासाठी काळे यांनी आपल्या लेकराबाळांसह देगलूर बँक शाखेसमोर आमरण उपोषण सुरू केले होते.

शिवसेनेच्या मध्यस्थीनंतर आणि बँकेच्या वरिष्ठ अधिकाऱ्यांच्या लेखी आश्वासनानंतर हे उपोषण मागे घेण्यात आले.

​बँकेच्या मनमानी कारभारावर संताप.

विम्याचे हप्ते वेळेवर कापून घेणाऱ्या महाराष्ट्र ग्रामीण बँकेकडून क्लेम देण्याच्या नावाखाली ग्राहकांची मोठी हेळसांड केली जात आहे. हणेगाव परिसरात गेल्या दोन वर्षांपासून अपघात आणि मृत्यू झालेल्या अनेक विमाधारकांचे क्लेम प्रलंबित असल्याचा आरोप यावेळी करण्यात आला. बँकेच्या या मनमानी आणि वेळकाढू धोरणामुळे संतप्त झालेल्या उद्धव काळे यांनी थेट कुटुंबासह आंदोलनाचे हत्यार उपसले. ​वरिष्ठ अधिकाऱ्यांनी धाव घेत लेखी आश्वासन.

आंदोलनाची तीव्रता पाहून बँकेचे वरिष्ठ अधिकारी मिश्रा यांनी देगलूर शाखेत धाव घेतली. त्यांनी “येत्या तीन महिन्यांत अपघाती विम्याची रक्कम मंजूर करून दिली जाईल,” असे लेखी आश्वासन आंदोलनकर्त्यांना दिले. त्यानंतर शिवसेना पदाधिकाऱ्यांच्या हस्ते नारळपाणी देऊन उपोषण सोडवण्यात आले.

​यावेळी शिवसेना उपजिल्हाप्रमुख महेश पाटील, देगलूर-बिलोली विधानसभा मतदारसंघ प्रमुख पांडुरंग पाटील थडके देगावकर, शिवसेना देगलूर शहरप्रमुख भगवान जाधव यांच्यासह देगलूर बँकेचे शाखाधिकारी व कर्मचारी उपस्थित होते. बँकेने दिलेल्या वेळेत पैसे न दिल्यास पुन्हा तीव्र आंदोलनाचा इशारा शिवसेना व ग्रामस्थांनी दिला आहे.

🔴मुख्य संपादक: श्री शहाजी वरखिंडे

मो. 9923072242