🛑 प्रलंबित पिक विम्याच्या मागणीसाठी नांदेड कंपनीस ठोकले टाळे — शिवसेना (ठाकरे)

🛑 प्रलंबित पिक विम्याच्या मागणीसाठी नांदेड कंपनीस ठोकले टाळे — शिवसेना (ठाकरे)

शिवगर्जना न्यूज, 

नांदेड : प्रतिनिधी

चंपतराव डाकोरे

♦️प्रलंबित पिक विम्याच्या वाटपाच्या मागणीसाठी शिवसेना (ठाकरे) पक्षाच्या वतीने नांदेडच्या पिकविमा कंपनीला ठोकले टाळे.

नांदेड : नविन मोंढा येथील agriculture insurance company of India LED या कंपनीच्या ऑफीसला शिवसेना उद्धव बाळासाहेब ठाकरे पक्षाच्या वतीने शेतकरी बांधवांना त्वरित उर्वरित मंडळातील गावांना पिकविमा वाटप करण्यात यावे अशी मागणी करीत अद्याप पर्यंत पिकविमा वाटप न केल्याच्या निषेधार्थ घोषणाबाजी देत शटर बंद करून ताळे ठोकण्यात आले.

सविस्तर वृत्त, या वर्षी अग्रीकल्चर इन्शुरन्स कंपनी भारत लिमिटेड या पिक विमा कंपनीला देण्यात आले. शासनाने व विमा कंपनीने या वर्षी ओला दुष्काळामुळे खरीप हंगामातील अतोनात पिकांचे मोठ्या प्रमाणात ११० टक्के नुकसान झाले असल्याने प्रधानमंत्री पीक विमा योजना अंतर्गत २०२५-२६ वर्षा करीता नांदेड जिल्ह्यातील सोयाबीन साठी ८८४.७२ कोटी रुपये तर मूग, उडीद, तुर व खरीप हंगामातील ज्वारीसाठी ३.९५ कोटी असा एकूण ८८८.६७ कोटी रुपये मंजूर करण्यात आले. या पैकी ५०२ कोटी रुपये वाटप करण्यात आले असून देगलूर तालुक्यातील ७ मंडळापैकी ५ मंडळात पीक विमा वाटप करण्यात आले. पण सध्या खरीप हंगामातील खते, बियाणे, किटकनाशके डिझेल, आदी तात्काळ खरेदी करणे अत्यंत आवश्यक आहे. मागील ५ वर्षा पासून सतत ओला दुष्काळ पडल्याने बळीराजा कर्ज बाजारी झाला आहे खते बियाणे खरेदी करण्यासाठी पैसे जवळ नाहीत. पावसाळा आला असतांना कोणी उधारीसाठी जवळपास ही येऊ देत नाहीत. अशातच शासनाने खते व बियाणे चे भाववाढ करुण शेतकऱ्यांची दयनीय अवस्था झाली आहे. अशातच शेतकऱ्यांना खते, बियाणे खरेदी करण्यासाठी ज्याच्यावर अवलंबून आहेत असा हक्काचा पिक विमा देगलूर, खानापूर, मरखेल आदी मंडळातील गावांतील शेतकरी बांधवांना राज्य शासनाकडून ३८५ – ११ कोटी निधी विमा कंपनीनीला प्राप्त न झाल्याचे कारण दाखवून अद्याप पर्यंत पिकविमा वाटप करण्यात आले नाही.

पावसाळा जवळ आल्याने शेतकऱ्यांना महागामोलाची बियाणे खरेदी करण्यासाठी वणवण भटकावे लागत आहे. शेतकऱ्यात  तीव्र नाराजी पसरली असून त्वरित पीकविमा वाटप करण्यात यावे अशी शेतकरी बांधवांची रास्त मागणी आहे.

पिक विमा वाटप करण्यात यावे म्हणून शिवसेना उद्धव बाळासाहेब ठाकरे पक्षाच्या वतीने उपजिल्हाधिकारी व तहसीलदार कार्यालयासमोरील तीव्र निदर्शने, घोषणाबाजी करण्यात आली. परंतु पिक विमा वाटप न झाल्याने शिवसेना उद्धव बाळासाहेब ठाकरे पक्षाचे पदाधिकारी नांदेड येथील नवा मोंठा परीसरातील अग्रीकल्चर इन्शुरन्स कंपनी भारत लिमिटेड या कंपनीचे कार्यालय गाठून पिक विमा अद्याप पर्यंत का वाटप करण्यात आले नाही याचा जाब विचारण्यात आला. राज्य शासनाकडून निधी उपलब्ध होताच पिक विमा वाटप करु अशी उडवा उडवीची उत्तरे उपस्थितीत अधिकाऱ्यांनी दिल्याने शिवसेना पदाधिकारी यांचे समाधान झाले नसल्याने पिक विमा तात्काळ वाटप करण्यात यावे, राज्य शासनाकडून पिक विमा कंपनीला अनुदानाची रक्कम त्वरित देण्यात यावे, अशी मागणी व घोषणाबाजी करीत व पिक विमा अद्याप वाटप न केल्याच्या निषेधार्थ पिक विमा कंपनीला शटर बंद करुन (ताळे) ठोकण्यात आले.

यावेळी शिवसेना उपजिल्हाप्रमुख महेश पाटील देगलूर बिलोली विधानसभा मतदारसंघ प्रमुख पांडुरंग पाटील थडके देगावकर शिवसेना देगलूर शहर प्रमुख भगवान जाधव, युवा सेना तालुका प्रमुख तथा शिवसेना सोशल मीडिया प्रमुख भागवत पाटील सोमुरकर सचिन इबितवार तमलूरकर, अर्जून लुटे अल्लापुरकर आदी उपस्थितीत होते.

🔴मुख्य संपादक: श्री शहाजी वरखिंडे

मो. 9923072242