🛑 बजरंग गादेवार यांच्या “माझ्या वाटेवरती” चारोळी संग्रहाचे २३ मे ला प्रकाशन.

🔴 बजरंग गादेवार यांच्यामाझ्या वाटेवरती’ चारोळी संग्रहाचे शनिवारी नायगावात प्रकाशन. 

कवी संमेलनासह साहित्यिकांचा मेळावा मान्यवरांची उपस्थिती

शिवगर्जना न्यूज, 

नायगाव : बाळासाहेब पांडे

नायगाव कवी बजरंग गादेवार लिखित ‘माझ्या वाटेवरती’ या चारोळी संग्रहाच्या प्रकाशन सोहळ्याचे आयोजन शनिवार, दि. २३ मे रोजी सकाळी ११ वाजता अंबिका गार्डन मंगल कार्यालय, नायगाव येथे करण्यात आले आहे. या कार्यक्रमानिमित्त कवी संमेलनाचेही आयोजन करण्यात आले असून साहित्य प्रेमींना या कार्यक्रमाची उत्सुकता निर्माण झाली आहे.

या प्रकाशन सोहळ्याच्या अध्यक्षस्थानी आर्य वैश्य संघटना नायगावचे तालुका अध्यक्ष सतीश मेडवार हे राहणार आहेत. कार्यक्रमाचे शुभारंभ अ.भा. मराठी साहित्य महामंडळाचे सदस्य देवीदास फुलारी यांच्या शुभहस्ते होणार असून प्रमुख पाहुणे म्हणून उद्योजक सुरेश पाटील कल्याण व जेष्ठ पत्रकार तथा व्हॉईस ऑफ मीडियाचे जिल्हा कार्याध्यक्ष बाळासाहेब पांडे यांची उपस्थिती राहणार आहे.

सुप्रसिद्ध साहित्यिक विरभद्र मिरेवाड हे पुस्तकावर सुंदर असे भाष्य करणार असून सूत्रसंचलन मुख्याध्यापक तथा ज्येष्ठ साहित्यिक व्यंकट आनेराये हे करणार आहेत. कार्यक्रमास विविध क्षेत्रातील साहित्यिक, कवी व रसिक मोठ्या संख्येने उपस्थित राहणार असल्याची माहिती आयोजकांनी दिली.

या सोहळ्यास सर्व साहित्यप्रेमींनी उपस्थित राहावे, असे आवाहन आयोजक सर्वश्री मनोहर गादेवार, नंदकुमार गादेवार, भागवत गादेवार, हणमंत गादेवार, सौ.शोभा बजरंग गादेवार आदींने केले आहे.

🔴मुख्य संपादक: श्री शहाजी वरखिंडे

मो. 9923072242