🛑 वादळी वाऱ्याचा तडाखा : मांजरम येथे सोलर प्रकल्पाचे मोठे नुकसान.

91

By Shahaji Warkhinde

March 19, 2026

🔴 वादळी वाऱ्याचा तडाखा : मांजरम येथे सोलर प्रकल्पाचे मोठे नुकसान.

शिवगर्जना न्यूज,

नायगाव : बालासाहेब पांडे

तालुक्यातील मांजरम गावातील सुशिक्षित तरुण शेतकरी माधव पांडुरंग शिंदे यांच्या शेतात उभारण्यात आलेल्या स्पान या सोलर कंपनीच्या प्रकल्पाला काल रात्री वादळी वाऱ्याचा जोरदार तडाखा बसून मोठे नुकसान झाले आहे. ही घटना दि. १८ च्या पहाटे अंदाजे १ ते २ वाजण्याच्या सुमारास घडली.

अचानक आलेल्या वादळी वाऱ्यामुळे सोलर पॅनल्सचे मोठ्या प्रमाणावर नुकसान झाले असून अनेक पॅनल्स वाकले, काही तुटले तर काहींचे स्ट्रक्चर ढासळले सोलर प्रकल्पावर आधारित शेतीसाठी हा मोठा धक्का मानला जात आहे.

घटनेनंतर सकाळी परिसरातील शेतकऱ्यांनी पाहणी केली असता नुकसानाची तीव्रता लक्षात आली. या घटनेमुळे परिसरातील शेतकरी वर्गात चिंतेचे वातावरण निर्माण झाले आहे. नैसर्गिक आपत्तीमुळे झालेले हे नुकसान भरून काढण्यासाठी प्रशासनाने तत्काळ पंचनामा करून मदत जाहीर करावी, अशी मागणी शेतकरी वर्गातून जोर धरत आहे.

दरम्यान, संबंधित विभागाच्या अधिकाऱ्यांनी घटनास्थळी भेट देऊन प्रत्यक्ष पाहणी करावी व शेतकरी माधव शिंदे यांना शासनाच्या आपत्ती निवारण योजनेतून तातडीची मदत द्यावी, अशी अपेक्षा व्यक्त केली जात आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)

Previous article

🛑 शहाजी प्रकाशराव बोंडगे पाटील तर्फे गुढीपाडव्याच्या हार्दिक शुभेच्छा

Next article

🛑 विविध क्षेत्रातील कर्तृत्ववान महिला जनजागृती सेवा संस्थेच्या वतीने सन्मानित.

Shahaji Warkhinde

ताज्या बातम्या

ताज्या बातम्या