🔴 कर्ज माफी निर्णयाचा जल्लोष; शेतकऱ्यांचा पेढे वाटून आनंदोत्सव साजरा.

🔴 कर्जमाफीच्या निर्णयाचा नायगावात जल्लोष; शेतकऱ्यांचा शाल, हार, श्रीफळ देऊन सत्कार व पेढे वाटून आनंदोत्सव. 

शिवगर्जना न्यूज, 

उपसंपादक— निळकंठ जाधव 

प्रहार जनशक्ती पक्षाचे तथा नायगाव विधानसभा मतदारसंघाचे नेते मा श्री गजानन पाटील चव्हाण यांच्या अध्यक्षतेखाली गुरुवार दि. १२ मार्च २०२६ रोजी सकाळी ११ वाजता नायगाव येथील हेडगेवार चौकात शेतकरी कर्जमाफीच्या निर्णयाच्या निमित्ताने आनंदोत्सव साजरा करण्यात आला. शासनाने शेतकरी बांधवांना दोन लाख रुपयांपर्यंत कर्जमाफी जाहीर केल्याच्या पार्श्वभूमीवर हा कार्यक्रम आयोजित करण्यात आला होता.

यावेळी प्रहार जनशक्ती पक्षाचे संस्थापक नेते बच्चूभाऊ कडू यांच्या नेतृत्वाखाली राज्यभर पायी यात्रांपासून ते अमरण उपोषण, चक्काजाम, रक्तदान अशा विविध संघर्षमय आंदोलनांमुळे शासनाला शेतकऱ्यांच्या प्रश्नांकडे लक्ष देण्यास भाग पाडले गेले आणि अखेर शेतकऱ्यांना दिलासा देणारा कर्जमाफीचा निर्णय जाहीर करण्यात आल्याची भावना पदाधिकाऱ्यांनी व्यक्त केली. तसेच आमच्या तालुका प्रतिनिधीशी बोलत असताना गजानन पाटील चव्हाण यांनी या कर्जमाफी योजनेमध्ये सहकार्य अडीअडचणी काही जाणवल्या तर शेतकऱ्यांनी संपर्कात राहावे अशी विनंती केली आहे

या निर्णयाचे स्वागत करत नायगाव येथील हेडगेवार चौकात उपस्थित शेतकरी बांधवांचा शाल, हार, श्रीफळ देऊन सत्कार करण्यात आला. तसेच पेडे वाटून आनंदोत्सव साजरा करण्यात आला. या कार्यक्रमात प्रहार पदाधिकारी आणि कार्यकर्त्यांनी शेतकरी हिताच्या लढ्यात पक्ष कायम आघाडीवर राहील, असा निर्धार व्यक्त केला.

या कार्यक्रमाला प्रहार संघटनेचे जिल्हा सचिव मारोती मंगरुळे, जिल्हा संपर्कप्रमुख राजेश पाटील बेळगे, प्रहार जनशक्ती पक्षाचे बिलोली तालुका अध्यक्ष शंकरभाऊ आचेवाड, तालुका उपाध्यक्ष विनोद हांचगुडे, महिला तालुका अध्यक्ष शांताबाई चिंतले, रोहित ढवळे, हणमंत शिताफुले, सुरेश पाटील शिंदे मांजरमकर, हनुमंत पाटील शिंदे, श्रीराम गाडले मुगावकर शेतकरी बालाजी अकले, माधव भाऊ कोसंबे, अशोक विठ्ठलराव पवार, गणेश देगावे, शिवाजी गोविंदराव चव्हाण, महादेव यादव चव्हाण, केशव चव्हाण, यांच्यासह प्रहारचे पदाधिकारी, कार्यकर्ते व मोठ्या संख्येने शेतकरी बांधव उपस्थित होते.

कार्यक्रमाचे वातावरण उत्साहपूर्ण झाले होते. शेतकरी बांधवांनी कर्जमाफीच्या निर्णयाबद्दल समाधान व्यक्त करत प्रहार जनशक्ती पक्षाच्या आंदोलनात्मक भूमिकेचे कौतुक केले.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)