📍बिलोली तालुक्यातील वाळू माफियांचा पोलिसांच्या समोरून धुडगूस. 

📍पथक नावालाच माफियांना मोकळे रान. 

शिवगर्जना न्यूज, 

उपसंपादक निळकंठ जाधव

नांदेड जिल्ह्यातील बिलोली तालुक्यात येथे गौण खनिजांच्या नावाखाली सुरू असलेली वाळू लूट ही आता व्यवस्थात्मक गुन्हा ठरत असल्याचे चित्र स्पष्ट झाले आहे. वाळू उत्खननाच्या नावाखाली अख्खी माळराने पोखरली जात असताना येजगी घाटांवर वाळू माफियांचा उच्छाद सुरू असताना महसूल प्रशासन मात्र जाणूनबुजून डोळेझाक करत आहे का? असा सवाल नागरिक विचारत आहेत.

बिलोली तालुक्यातील येजगी येथे अनेक गावांच्या शेता जवळून नाम मात्र रॉयल्टीच्या आधारे शासनाच्या खनिजांची खुले आम चोरी सुरू आहे. कायद्याच्या चौकटीत परवानगी दाखवून प्रत्यक्षात नियमांना केराची टोपली दाखवली जात असून संपूर्ण डोंगर माळराने खोल खड्ड्यांनी विदीर्ण झाली आहेत. यामुळे पर्यावरणाचा समतोल बिघडत असून भविष्यातील पाणी टंचाई व भूधसरणीचा धोका निर्माण झाला आहे. याकडे नांदेड मा. जिल्हाधिकारी राहुल कर्डिले तात्काळ लक्ष देऊन कारवाई करतील काय असा अहवाल नागरिकांनी व्यक्त केल्या जात आहे.

तालुक्यातील वाळू घाटांवर ज्या पथकांकडून कारवाईची अपेक्षा आहे. तीच पथके नावालाच असल्याची चर्चा उघडपणे सुरू आहे. कारवाई शून्य परिणामी माफियांना मोकळे रान मिळाले असून सामान्य नागरिकांमध्ये प्रचंड असंतोष आहे. या गंभीर प्रकरणाकडे जिल्हाधिकारी राहुल कर्डिले यांनी तातडीने लक्ष घालून स्वतंत्र चौकशी करावी व दोषी अधिकारी कर्मचाऱ्यांवर कडक कारवाई करावी आणि अवैध गौण खनिज उत्खनन तात्काळ बंद करावे अशी मागणी बिलोली व नायगाव नागरिकांतून होत आहे. अन्यथा हा संताप उद्रेकाच्या दिशेने जात असल्याचा इशाराही दिला जात आहे. बिलोली तालुक्यातून नायगाव तालुक्यामध्ये नरसी मार्गे मुखेड तालुक्यातील जाम जळकोट लातूर येथे भर दिवसा व रात्री जास्त वेगाने हायवा जात आहेत तरी पोलीस व महसूल विभागाचे यावर अजिबात लक्ष नसल्याचे चित्र दिसून येत आहे. नागरिकांना बाहेर गावी जाण्यासाठी तारांबळ होत आहे जर कोणता नागरिक या हवे खाली टपकाला तर याचा जिम्मेदार कोण असेल असे मत बिलोली तालुक्यातील व नायगाव तालुक्यातील नागरिकांत मोठ्या प्रमाणात बोलल्या जात असल्याचे चित्र दिसून येत आहे.

“अर्थपूर्ण शांतता” की व्यवस्थेची भागीदारी

या अवैध उत्खनन व वाळू प्रकरणात महसूल यंत्रणेची भूमिका संशयाच्या भोवऱ्यात सापडली आहे. अवैध वाळू रोखण्यासाठी शासनाने पथके नियुक्त केली असली तरी ही पथके वाळू मुरूम माफियांना मॅनेज असल्याप्रमाणे वागत असल्याचा आरोप नागरिक करत आहेत. त्यामुळे पथक आहे पण कारवाई नाही अशी अवस्था निर्माण झाली आहे.

रात्रीच्या अंधारात अवैध रेती उपसा व वाहतूक जोरात सुरू आहे. टिप्पर रस्त्यांवरून सुसाट धावत असून कायदा सुव्यवस्थेचा पूर्ण पणे फज्जा उडवला जात आहे. विशेष म्हणजे ही अवैध वाळू बिनधास्तपणे नरसी मार्गे मुखेड 

दिवसा व रात्री जात आहे सर्व प्रशासनाच्या नजरेआड कसे शक्य आहे? की आर्थिक देवाण घेवाणी पोटी महसूल यंत्रणेने मौन पत्करले आहे याचे उत्तर मात्र अनुत्तरीत आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)