🛑 देगलूर नगरपरिषद निवडणूक मतमोजणीसाठी १४७ कर्मचाऱ्यांची नियुक्ती

🛑 देगलूर नगरपरिषद निवडणूक मत मोजणीसाठी १४७ कर्मचाऱ्यांची नियुक्ती

शिवगर्जना न्यूज, 

देगलूर प्रतिनिधी 9923072242

राज्य निवडणूक आयोग महाराष्ट्र राज्य यांच्या परिपत्रका नुसार देगलूर नगरपरिषद सार्वत्रिक निवडणूक २०२५ ची मत मोजणी दिनांक २१/१२/२०२५ रोजी उप विभागीय अधिकारी कार्यालय देगलूर येथे सकाळी १०:०० वाजे पासून केली जाणार आहे.

देगलूर शहरातील एकूण १३ प्रभागातील ४७ मतदान केंद्रांची मत मोजणीसाठी एकूण १३ टेबलची व्यवस्था केली असून १३ टेबल वर मतदान केंद्र निहाय मतमोजणी केली जाणार आहे. मत मोजणीसाठी १४७ कर्मचाऱ्यांची नियुक्ती करण्यात आली असून मत मोजणीसाठी नियुक्त कर्मचाऱ्यांना आज दिनांक. २०/१२/२०२५ रोजी नगरपरिषद कार्यालयातील सभागृहात प्रशिक्षण देण्यात आले.

मत मोजणी पारदर्शक होण्यासाठी सदस्य पदाचे ०१ उमेदवार व ०१ प्रतिनिधी व तसेच अध्यक्ष पदासाठी एका उमेदवारास १३ प्रतिनिधी या पध्दतीने प्रवेश निश्चित करण्यात आला आहे.

सदर मत मोजणीची प्रक्रिया श्री. अनुप पाटील निवडणूक निर्णय अधिकारी, श्रीमती निलम कांबळे सहा. निवडणूक निर्णय अधिकारी व भरत सुर्यवंशी अतिरीक्त निवडणूक निर्णय अधिकारी यांची देखरेख व मार्गदर्शनाखाली पार पाडली जाणार आहे.

शिवगर्जना न्यूज संपादक : श्री शहाजी वरखिंडेबातम्या व जाहिराती साठी संपर्क 🗣📲📞(9923072242)