🛑 नांदेड–हैदराबाद राज्य महामार्गावर अटकळी येथे कंटेनरचा भीषण अपघात.

8

By Shahaji Warkhinde

December 17, 2025

🔴 नांदेड–हैदराबाद राज्य महामार्गावर अटकळी येथे कंटेनरचा भीषण अपघात; दोन जण जखमी.

शिवगर्जना न्यूज,

बिलोली प्रतीनीधी विलास शेरे

नांदेड–हैदराबाद राज्य महामार्गावर अटकळी गावाजवळ आज सकाळी सुमारे ११ वाजण्याच्या सुमारास एका कंटेनरचा भीषण अपघात झाला. या अपघातात कंटेनर मधील दोन जण जखमी झाले असून सुदैवाने मोठी जीवितहाणी टळली.

प्राप्त प्राथमिक माहिती नुसार, हैदराबाद कडून नांदेड च् दिशेने जाणारा कंटेनर भरधाव वेगात असताना चालकाचे वाहनावरील नियंत्रण अचानक सुटले. त्यामुळे कंटेनर महामार्गाच्या कडेला जाऊन पलटी झाला. अपघात इतका भीषण होता की कंटेनरचा पुढील भाग पूर्णतः नुकसानग्रस्त झाला. अपघाताचा जोरदार आवाज होताच अटकळी व परिसरातील नागरिकांनी तात्काळ घटनास्थळी धाव घेतली. कंटेनरमध्ये अडकलेल्या जखमींना स्थानिकांच्या मदतीने बाहेर काढण्यात आले. त्यानंतर १०८ रुग्णवाहिकेच्या सहाय्याने जखमींना त्वरित देगलूर येथील ग्रामीण रुग्णालयात उपचारासाठी दाखल करण्यात आले.या अपघातामुळे काही काळ नांदेड–हैदराबाद महामार्गावरील वाहतूक विस्कळीत झाली होती. वाहनांच्या लांबच लांब रांगा लागल्या होत्या. नंतर वाहतूक हळूहळू पूर्ववत करण्यात आली.

वारंवार होणाऱ्या अपघातांमुळे या मार्गावरील वेग नियंत्रण आणि वाहतूक सुरक्षेचा प्रश्न पुन्हा एकदा ऐरणीवर आला असून प्रशासनाने याबाबत योग्य उपाययोजना कराव्यात, अशी मागणी नागरिकांतून होत आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)

Previous article

🛑 माळेगाव यात्रेस १८ डिसेंबर पासून सुरूवात.

Next article

🛑 शिवराज पाटील होटाळकर यांच्या नेतृत्वात गटविकास अधिकारी यांचा सत्कार.

Shahaji Warkhinde

ताज्या बातम्या

ताज्या बातम्या