🛑 तडखेल येथे गॅस सिलेंडरचा स्फोट तर संसार उपयोगी साहित्य जळून खाक.

🔴 देगलूर तालुक्यातील मौ. तडखेल येथे गॅस सिलेंडरचा स्फोट होऊन झालेल्या आगीत घरातील दागिने, धान्य, संसार उपयोगी साहित्य जळून झाले खाक. 

शिवगर्जना न्यूज., 

प्रतिनिधी बाबाराव कदम

ही घटना शनिवारी सकाळी ११ वा. घडली. पीडित कुटुंबाचे घर या आगीच्या घटनेत पूर्णतः जळून गेल्याने कुटुंब उघड्यावर पडला आहे. या संदर्भात मिळालेली माहिती अशी की, तालुक्यातील मौ. तडखेल येथील राजाबाई हनुमंतराव बत्तलवाड या शेतकरी महिलेचे घर औराळ रस्त्यावर असून शेती कामासाठी सकाळीच शेताला गेले होते. यावेळी घरातील सिलेंडरचा स्फोट झाला. सिलेंडरचा स्फोट ईतका भयंकर होता की, घरावरील पत्रे पूर्णतः जळून गेली. घरातील तीन लाखाची दागिने, दहा क्विंटल सोयाबीन सोयाबीन व इतर धान्य संसार उपयोगी साहित्य जळून खाक झाले. या घटनेत सात लाखाच्यावर पीडित कुटुंबाचे नुकसान झाले असल्याचे येथील पोलीस पाटील गणेश शंकर वांगी लवार यांनी सांगितले. गावकऱ्यांनी देगलूर नगर परिषद अग्निशामक दलाला पाचारण केले. अग्निशामक दलाने आग नियंत्रण आणण्यासाठी परिश्रम घेतले. महसूल व पोलीस प्रशासन घटनास्थळीचा पंचनामा केला असून आमदार जितेश अंतापुरकर यांनी घटनेची माहिती घेऊन पीडित कुटुंबाला शासन नियमाप्रमाणे योग्य ती मदत मिळवून देण्याचे आश्वासन दिले. पीडित बत्तलवाड कुटुंब या घटनेमुळे उघड्यावर आले असून शासनातर्फे त्यांना आर्थिक मदत मिळवून देण्याची मागणी गावकऱ्यांनी केली आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)