🛑 बिलोली तालुक्यात मुसळधार पावसामुळे हजारो हेक्टर पिकांचे नुकसान.

🔴 बिलोली तालुक्यात मुसळधार पावसामुळे हजारो हेक्टर पिकांचे नुकसान.

पिंपळगाव रोड लगत असलेल्या लाल कुंठा तलावाचा बांध फुटल्यामुळे अनेकांची शेती पाण्याखाली गेल्यामुळे पिकांचे मोठ्या प्रमाणात नुकसान.

शिवगर्जना न्यूज, 

कुंडलवाडी (सिध्दार्थ कांबळे)

बिलोली तालुक्यातील कुंडलवाडी शहरालगत असलेला नांदेडबेस थैर तलाव क्षमतेपेक्षा जास्त झाले असुन, कुंडलवाडी शहर व परिसरात काल पासून मुसळधार पाऊस पडत असल्यामुळे शहरातील संपूर्ण जनजीवन विस्कळीत झाले असुन शहरालगत असलेल्या नांदेड बेस येथील थैर तलाव क्षमतेपेक्षा जास्त होऊन मोठ्या प्रमाणात पाणी रस्त्यावर येत आहे. कुंडलवाडी शहरातील अनेक भागात नागरिकांच्या घरात पाणी शिरल्यामुळे मोठ्या प्रमाणात जीवन आवश्यक वस्तुचे नुकसान झाले आहे.

कुंडलवाडी शहरातील व परिसरातील शेकडो घरांची पडझड झाली आहे. असे असले तरी कुंडलवाडी शहरापासून काही अंतरावर असलेल्या ममदापूर, हुनगुंदा, हरनाळी, नागणी, दौलापुर, कोटग्याळ, माचनूर, गंजगाव, हज्जापुर, पिंपळगाव, चिरली टाकळी, या गावात नाल्यांना ओढ्यांना पुर आल्यामुळे या गावांचा संपर्क तुटला आहे. तर कुंडलवाडी शहर व परिसरातील ओढ्यांना, नाल्यांना पुर आल्यामुळे हजारो हेक्टर शेतीचे पिके पाण्याखाली गेल्यामुळे शेतकऱ्यांचे मोठे नुकसान झाले आहे. त्यामध्ये हाताशी आलेले मुग, उदीड, कापुस, सोयाबीन हे पिके पाण्याखाली गेल्यामुळे बळीराजा मात्र मोठ्या संकटात सापडला आहे.

त्यामुळे कुंडलवाडी शहरातील व परिसरातील सर्व पिकांचे प्रशासनाकडून पंचनामे करुन तात्काळ नुकसान भरपाई देण्यात यावी अशी मागणी बिलोली तालुक्यातील शेतकरी करीत आहेत.

तसेच कुंडलवाडी शिवारातील पिंपळगाव रोड लगत असलेल्या लाल कुंठा तलावाचा बांध फुटल्यामुळे तलावाच्या खालील बाजूस असलेल्या शेतीचे मोठ्या प्रमाणात गेल्या चार वर्षापासून नुकसान होत असल्यामुळे शेतकरी संकटात सापडल्यामुळे याकडे जिल्हा प्रशासनाने हा प्रश्न लवकरात लवकर मार्गी लावण्यात यावे अशी मागणी होत आहे. 

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)