🛑अतिवृष्टीग्रस्त शेतकऱ्यांना हेक्टरी २५ हजार अनुदानाची ठाकरे शिवसेनेची मागणी

🔴 अतिवृष्टीमुळे नुकसान झालेल्या शेतकऱ्यांना २५ हजार अनुदान देण्याची ठाकरे शिवसेनेची मागणी. 

शिवगर्जना न्यूज, 

देगलूर प्रतिनिधी

देगलूर : दि.१६,१७,१८, ऑगस्ट रोजी झालेल्या व नुकत्याच झालेल्या २६ व २७ ऑगस्ट रोजी झालेल्या ढगफुटी सदृश अतिवृष्टीमुळे खरीप हंगामातील शेतातील पिके पुर्णतः नष्ट झाल्यात जमा असल्याने, शासनाने तात्काळ संकटात सापडलेल्या शेतकरी बांधवांना हेक्टरी २५ हजार रुपये अनुदान देण्याची मागणी शिवसेना उद्धव बाळासाहेब ठाकरे पक्षाच्या वतीने शासनाकडे करण्यात आली आहे. अनुदान त्वरित न दिल्यास मोर्चा, रास्ता रोको आंदोलन करण्यात इशारा दिला आहे, याबाबत अधिक माहिती अशी की ऑगस्ट महिन्यात तब्बल दोन वेळा सतत ५ दिवस ढगफुटीमुळे उसनवारी, कर्ज काढून महागामोलाने बी याने खरेदी करून मोठ्या आशेने पेरणी केलेली सोयाबीन कापूस उडीद मूग आदी पिकही यावेळी झालेल्या अतिवृष्टीमुळे पुर्ण पणे वाया गेली आहेत. या वर्षी कधी नव्हे एवढी खरीप हंगामातील पीके जबरदस्त आले होते पण शेतकऱ्यांच्या नशिबी सतत कधी ओला दुष्काळ, कधी कोरडा दुष्काळ या निसर्गाच्या दुष्ट चक्रात अडकलेला शेतकऱ्यांच्या नशिबी सतत दुष्काळ पाचविला पुजलेला असल्याने शेतकरी राजा कर्ज बाजारी, आर्थिक दृष्ट्या डबघाईस आला आहे. त्यामुळे आपल्या कुटुंबाला वाऱ्यावर सोडून आत्महत्या सारखा अघोरी प्रकार करीत आहेत या वर्षीच्या अतिवृष्टीमुळे सुद्धा खरीप हंगामातील सोयाबीन, कापूस, उडीद, मूग आदी हातातोंडाशी आलेली पिके ढगफुटी सदृश अतिवृष्टीमुळे प्रचंड असे नुकसान झाले आहे त्यामुळे आर्थिक संकटात सापडलेल्या शेतकरी बांधवांना हेक्टरी २५ हजार रुपये अनुदान देण्यात यावे अन्यथा शिवसेना उद्धव बाळासाहेब ठाकरे पक्षाच्या वतीने शिवसेना उपजिल्हाप्रमुख महेश पाटील देगलूर शिवसेना तालुका प्रमुख बालाजी पाटील इंगळे खुतमापुरकर शिवसेना शहर संजय जोशी, शहर प्रमुख रवि उल्लेवार, युवा सेना तालुका प्रमुख तथा शिवसेना सोशल नेटवर्कर प्रमुख भागवत पाटील सोमुरकर, आदीनी रास्ता रोको आंदोलन करण्याचा इशारा शासनाला दिलेल्या निवेदनात दिला आहे. 

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)