🛑’आप’ च्या पाठपुराव्यामुळे शाळेला मिळाला शिक्षक.

🔴’आप’ च्या पाठपुराव्यामुळे शाळेला मिळाला शिक्षक. 

शिक्षका अभावी पट संख्या कमी होत असेल तर कारवाईची आप ची मागणी. 

शिवगर्जना न्यूज, 

प्रतिनिधी डॉ. शाम जाधव 

बोपोडी पुणे: आज दिनांक १५/७/२०२५ रोजी बोपोडी येथील पतासीबाई छाजेड ई लर्निंग इंग्लिश मीडियम स्कूल बोपोडी येथे मागील वर्षापासून शिक्षकांची कमतरता होती. या संदर्भात आम आदमी पार्टीने तक्रार आणि नंतर पाठपुरावा केल्यामुळे आता नवीन शिक्षक देण्यात आला आहे. आज आप कार्यकर्ते आणि पालकांनी शाळेमध्ये जाऊन नवीन शिक्षक आणि मुख्याध्यापकांना शुभेच्छा दिल्या. 

बोपोडी मधील या शाळे मध्ये मागील वर्षातील नर्सरी मधील ४० मुलांचे प्रवेश यंदा पहिली मध्ये झाले, परंतु शाळेमध्ये शिक्षक नसल्यामुळे २५ पालकांनी मुलांचे दाखले काढून घेतले होते. या पालकांनी आम आदमी पार्टी पदाधिकाऱ्यांशी संपर्क साधला. त्यांनी या संदर्भात प्राथमिक शिक्षण विभाग, मनपा पुणे यांच्याकडे तक्रार आणि पाठपुरावा केल्यानंतर आता नवीन शिक्षक नेमण्यात आले आहेत. यामुळे काही पालक पुन्हा शाळेत मुलांचा प्रवेश करणार आहेत. आम आदमी पार्टीच्या महिला आघाडी उपाध्यक्ष ऍनी अनिश, शिक्षक आघाडीच्या अध्यक्ष शितल कांडेलकर, विकास चव्हाण, शंकर थोरात व पालकांनी मनपा उपायुक्त विजयकुमार थोरात यांची भेट घेतली होती. आता नवीन शिक्षक शनिवारी शाळेत रुजू होताच शाळेत पालक सभा पार पडली.

गरीब वस्तीतील पालकांची मुले या शाळांमध्ये प्रवेश घेण्यास उत्सुक असताना ही शिक्षक नसल्या कारणामुळे हे पालक नाईलाजाने खाजगी शाळांकडे वळत आहेत. या बाबत पालिकेने तातडीने पुरेसे शिक्षक द्यावेत अशी मागणी आम आदमी पार्टी केली आहे. या वेळेस आप चे शीतल कांडेलकर, विकास चव्हाण तसेच मुकुंद किर्दत, सुदर्शन जगदाळे, आकाश मुनियन, पालक सविता शिंदे, विलास मोरे आदी उपस्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)