🛑 शेतकऱ्याच्या खुनाचा १२ तासात उलगडा २ आरोपी गजाआड; ८ जुलैपर्यंत कोठडी.

🔴 शेतकऱ्याच्या खुनाचा १२ तासात उलगडा२ आरोपी गजाआड; ८ जुलैपर्यंत कोठडी. 

शिवगर्जना न्यूज, 

नांदेड / मारोती कुडकेवार 

नांदेड :- डोरली ता. हदगाव येथील एका शेतकऱ्याचा अज्ञात कारणाहून खून झाला होता. या घटनेचा हदगाव पोलिसांनी केवळ १२ तासात उलगडा करून २ आरोपीना गजाआड केले आहे. या आरोपींना न्यायालयाने दि. ८ जुलैपर्यंत पोलिस कोठडी सुनावली आहे. दरम्यान दारू पिण्याच्या कारणाहून खून केल्याचे आरोपींनी सांगीतले आहे.

हदगाव तालुक्यातील डोरला येथील शितल कैलास काटेकर यांनी दिलेल्या तक्रारीनुसार शेतकरी असलेले त्यांचे पती कैलास विश्वनाथ काटेकर वय ४४ हे ३ जुलै रोजी रात्री शेतात हदळ पीक असल्याने राखणीला गेले होते. ०८:३० वाजता पासून ते ४ जुलै च्या सकाळी १०:३० वाजेदरम्यान मोजे डोरली शिवारात पत्राच्या शेडमध्ये थांवले होते. या दरम्यान कोणीतरी अज्ञात आरोपींनी गंभीर जखमी करून त्यांचा खून केला केला. ही घटना दि. ०४ रोजी सकाळी कुटुंबातील सदस्य ते घरी न आल्याने शेतात गेले, तेव्हा खुनाची ही घटना उघड झाली. या प्रकरणी हदगाव पोलिसांनी या २१६/२०२५ दाखल केला. तपास अधिकारी सहाय्यक पोलीस निरीक्षक संकेत दिघे यांनी आपली तपासाची चक्र फिरवून शेतामधील शेडमधील पुरावे, रात्रीच्या वेळी मयत काटेकर यांच्यासोबत कोणकोण व्यक्ती होते, याचा शोध घेतला. यानंतर आपल्या सहकारी पोलिसांच्या मदतीने अत्यंत जलद गतीने केवळ १२ तासात २ मारेकरी आरोपींना पकडले. मारेकऱ्याचे नाव नारायण गंगाधर टोकलवाड २८ व सुरेश सिरसाठ राहणार डोरली असे आहे. दारू पिण्याच्या वादातून मी कैलास काटेकरचा खून केल्याची कबुली नारावण टोकलवाडने दिली आहे. या दोन्ही आरोपींना शनिवारी न्यायालयात हजर करण्यात आले. तेव्हा न्यायालयाने आरोपींना ०८ जुलै पर्यंत पोलिस कोठडी सुनावली आहे, अशी माहिती सपोनि दिघे यांनी दिली.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)