🛑 अखेर महावितरणच्या त्या दोन दोषी कर्मचाऱ्यांवर निलंबनाची कारवाई.

🔴 अखेर महावितरणच्या त्या दोन दोषी कर्मचाऱ्यांनवर निलंबनाची कारवाई.

शिवगर्जना न्यूज, 

बिलोली प्रतिनिधी विलास शेरे 

बिलोली तालुक्यातील मौजे दर्यापूर शिवारात महावितरणच्या कामकाजासाठी खांबावर चढलेल्या युवकाचा विजेचा शाॅक लागुन मृत्यू झाल्याची घटना दि. ०८ मे रोजी घडली होती. सदर घटनेवर चादर टाकून प्रकरण दाबण्याचा प्रयत्न केला मात्र सामाजिक कार्यकर्ते पत्रकार व नातेवाईकांनी सदर घटनेत चार कर्मचारी दोषी असुन संबधिततावर कार्यवाही व्हावी अशी मागणी केली होती. महावितरणच्या वरिष्ठांनी केलेल्या चौकशी अहवालानंतर सदर घटनेत दोनच कर्मचारी दोषी आढळुन आल्याने संबधिततावर निलंबनाची कारवाई करण्यात आली आहे. 

सविस्तर वृत्त बडुर (बामणी) उपकेंद्रातुन निघालेल्या हिंगणी फिडरवर कामासाठी परमिट घेऊन काम चालू असताना लाईनमन साहेबराव जेठे व ऑपरेटर शरद जोशी यांच्या चुकीमुळे दर्यापूर येथील शिवराज भाऊसाहेब शिवशेट्टे यांचे अपघाती निधन झाले होते त्याच अनुषंगाने कर्तव्यावर असताना कसुर गैरवर्तनुकीचे कृत्य व कामामध्ये अनियमितता असे कृत्य केल्याचा ठपका ठेवत महावितरणच्या वरिष्ठांकडून लाईनमन साहेबराव जेठे व ऑपरेटर शरद जोशी यांच्यावर निलंबनाची कारवाई करण्यात आली आहे. 

♦️बडुर (बामणी) उपकेंद्रातुन निघालेल्या हिंगणी फिडरवर दर्यापूर येथील तरुणाचा अपघाती मृत्यू झाला सदर घटनेत चार कर्मचाऱ्यांची नावे समोर आली मात्र दोनच कर्मचारी दोषी असुन इतर दोन कर्मचारी अपघातानंतर सहकार्यासाठी घटनास्थळी पोहोचले असल्याने दोघांचेच निलंबन करण्यात आले आहे चौकशी व पुढील कार्यवाही चालू आहे – सतिश पेंढारकर कार्यकारी अभियंता देगलूर.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)