🛑 नायगाव तालुक्यात अवकाळी पावसाने उन्हाळी पिका सह भाजीपाल्याचे प्रचंड नुकसान.

🔴 नायगाव तालुक्यात अवकाळी पावसाने उन्हाळी पिका सह भाजीपाल्याचे प्रचंड नुकसान. 

♦️शेतकऱ्याच्या अश्रूंना किंमत द्या शासनाचा दृष्टी आड कारभार. 

शिवगर्जना न्यूज, 

नांदेड जि. प्रतिनिधी : बाळासाहेब पांडे

नायगाव तालुक्यात अवकाळी पावसाने मोठ्या प्रमाणात थैमान घातले उन्हाळी पिका सह, हळद, भुईमूग, भाजीपाल्याचे प्रचंड नुकसान झाले असून शेतकरी अपेक्षेने प्रशासनाच्या अधिकाऱ्याची डोळ्यातले आश्रु पुसत चातका सारखी वाट पाहताना प्रशासन मात्र शेतकऱ्याच्या अश्रूंना किंमत देताना दिसत नसून शासनाचा दृष्टीआड कारभार पाहून शेतकरी वर्गाची प्रतिक्रिया संतप्त पणाने बाहेर पडत आहे.

शेतकऱ्याचे आयुष्य हवामानाच्या चक्रावर अवलंबून असते, हे शासनाला नवे नाही. तरीही या संकटसमयी सरकारी अधिकारी कुठे आहेत? कोलंबी येथील तलाठी हे सातत्याने फोन न उचलणारे, आणि तहसीलदार गायकवाड मॅडम यांच्याकडून प्रशासनावर प्रभावी नियंत्रणाचा पूर्ण अभाव – हे चित्र नायगाव तालुक्या साठी अधिकच भयावह बनले आहे

♦️बालाजी परिहार यांचे भाजी पाला सह प्रचंड नुकसान.

 कोलंबी तालुका नायगाव येथील शेतकरी बालाजी पांडुरंग परिहार यांच्यासह अनेक शेतकऱ्यांचे आयुष्य अवकाळी पावसाने पुन्हा एकदा उद्ध्वस्त केले आहे. एप्रिल अखेरीस लावलेले एक एकर कांदे, वांगी, टोमॅटो, आणि कोथिंबीर यांसारखे भाजीपाला पिके अवघ्या १५ ते २० दिवसांतच ढगाळ हवामान व अवकाळी पावसामुळे पूर्णपणे नष्ट झाली. या पार्श्वभूमीवर शेतकऱ्याने नव्हे तर संपूर्ण यंत्रणाच आपली लाज गमावली आहे, असे म्हणावेसे वाटते.

दु:खद बाब म्हणजे आठ दिवस उलटूनही पंचनामाही करण्यात आलेला नाही.येथील तलाठी कदम हे नेहमी प्रमाणे फोन उचलत नाहीत असे परिहार यांनी सांगितले. नायगाव तालुक्याची तहसीलदार मॅडम ही वचक नसलेली अधिकारी असल्याने प्रशासकीय यंत्रणा निष्क्रिय झाली आहे, तर महाराष्ट्र प्रशासनाचे आश्वासनं पोकळ बनले आहेत आणि शेतकरी पुन्हा एकदा संकटाच्या खाईत लोटला गेला आहे.

♦️नायगाव/ पळसगाव येथील शेतकरी धनराज शिरोळे यांच्या शेता जवळील नाला फुटून चार लाखाची हळद पाण्यात भिजली याचा पंचनामा व्हावा या साठी धडपडत असताना प्रशासन मात्र डोळे झाक करीत आहे.

♦️शेतकरी हा निव्वळ मतदार नाही तो अन्नदाता आहे.

मात्र जेव्हा त्याचे पिक पूर्णपणे नष्ट होते, तेव्हा शासनाच्या निधीच्या घोषणा हवेत विरून जातात आणि “तांत्रिक कारणाचा” बडगा उगारला जातो. ही परिस्थिती केवळ दुर्दैवी नव्हे, तर लाजिरवाणी आहे.

♦️ “तंत्रशुद्ध” दुर्लक्ष आणि “प्रशासनाधिष्ठित” अपयश. 

हेट संकट एखाद्या अपवादात्मक घटनामध्ये मोडत नाही. अवकाळी पाऊस, हवामान बदल ही आता शेतकऱ्याच्या दैनंदिन जीवनाची अपरिहार्यता झाली आहे. अशा वेळी प्रशासनाने स्वतःहून पुढाकार घेऊन पंचनामे, मदत प्रस्ताव व निर्णय तातडीने घ्यायला हवेत. पण येथे परिस्थिती उलट-शेतकरी ऑफिसात चकरा मारतोय, अधिकारी मात्र खुर्चीला चिकटून राहण्या साठी बदली प्रकरणात आर्थिक तडजोडीने लक्ष घालून आहेत.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)