🛑 केंद्रीय समाज कल्याण राज्यमंत्री रामदास आठवले यांना निवेदन.

🔴 विहाराच्या पहिल्या मजल्याच्या बांधकामास निधी आणि खुली जागा विकसित करून मिळणे बाबत. 

शिवगर्जना न्यूज, 

नाशिक डॉ. श्याम जाधव

बौद्ध धम्म संस्कार संघ श्रावस्ती विहार सांगली यांच्या वतीने माननीय नामदार रामदासजी आठवले केंद्रीय समाज कल्याण राज्यमंत्री यांना निवेदन सादर करण्यात आले. 

बौद्ध धम्म संस्कार संघ, श्रावस्ती विहार, सांगली ही संस्था धर्मनिरपेक्ष, मानवतावादी चिरंतन विचाराची, मानवी मुल्ये आणि बांधिलकी जपणारी संस्था आहे. मानवी जीवनाचे कल्याण कसे साधता येईल, भारत देश हा एक संघ तसेच विश्वरत्न, भारतरत्न डॉ. बाबासाहेब आंबेडकर यांच्या विचाराचा प्रचार व प्रसार करण्यासाठी संस्थेने सांगली येथे गुरुनानक सोसायटी सर्वे नंबर २२३/अ/२ प्लॉट नंबर १७ या ठिकाणी ३२७.९० चौरस मीटर क्षेत्राची स्वतःच्या मालकीची जागा खरेदी करून सांगली मिरज कुपवाड महा पालिकेकडून रितसर बांधकाम परवाना क्रमांक ३५७, दिनांक ०२ /०१/२००७ रोजी तळघर आणि तळमजला स्लॅपसह बांधकाम पूर्ण केलेले आहे. पहिला मजला आणि डोम चे बांधकाम पूर्ण करण्याचा मानस आहे. अपुरा निधी तसेच संस्थेचे दैनंदिन कामकाज, विविध कार्यक्रम महापुरुषांच्या जयंती इत्यादी कार्यक्रम राबविले जात असतात. ते राबवित असताना म्हणावा तसा संस्थेकडे निधी उपलब्ध होत नाही. त्यामुळे प्रस्तावित पहिल्या मजल्याचे बांधकाम पूर्ण आवश्यक बाब बनली आहे.

सदर ठिकाणी संगणकीय व आधुनिक शिक्षण, शैक्षणिक सेवा विषयक वैज्ञानिक कार्यक्रम राबविण्यासाठी विहाराचे गतीने बांधकाम पूर्णत्वास नेणे ही काळाची गरज बनली आहे. या सर्व सुविधा देण्याचा मानस संस्थेचा आहे.

संस्थेच्या उत्तर बाजूस महापालिकेच्या मालकीचा सुमारे ११२४ चौ. मीटर क्षेत्राचा खुला भूखंड आहे तो संस्थेत मिळणे बाबत सुमारे पंधरा वर्षांपूर्वी महापालिकेकडे अर्ज दाखल केला आहे. या खुल्या भूखंडा मध्ये संस्थेने विविध प्रकारची वृक्षांची लागवड केली असून बगीचा, मोठे वृक्ष लावून आणि स्टेज उभारून त्याची योग्य आणि चांगल्या प्रकारे निगा राखली जात आहे.

संस्थेच्या मालकीच्या जागेत पहिल्या मजल्याचे व डोमचे बांधकाम करावयाचे झाल्यास सुमारे ७५ लाख रुपये खर्च येणार आहे. तरी शासन निधीतून खर्च उपलब्ध करून दिल्यास संस्थेच्या सर्व कार्यप्रणाली आणि उपक्रम योग्य प्रकारे राबविता येणार आहेत.

त्याच प्रमाणे महापालिकेच्या मालकीच्या खुल्या जागेमध्ये सुद्धा नूतन मोठा हॉल उभारल्यास, मोठ मोठे कार्यक्रम राबवता येतील. वरील निधी आपण उपलब्ध करून द्यावा ही विनंती. 

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)