🛑 अहिल्यादेवी होळकर यांच्या ३०० व्या जयंतीनिमित्त ३०० पुतळे देऊन करणार सन्मान.

🔴 अहिल्या देवी होळकर यांच्या ३०० व्या जयंती निमित्त ३०० पुतळे देऊन करणार सन्मान. 

♦️बालाजी पेटेकर यांच्या स्तुत्य उपक्रमाचे सर्वत्र कौतुक. 

शिवगर्जना न्यूज, 

नांदेड जि. प्रतिनिधी : बाळासाहेब पांडे

बहुजनांच्या उद्धारक,महिलांच्या हातात प्रथमच तलवार देऊन महिलांची फौज निर्माण करणाऱ्या रणरागिणी, २८ वर्षे राज्य कारभार करून भारताच्या इतिहासात एकमेव महिला राज्यकर्त्या ठरलेल्या पुण्य श्लोक महाराणी अहिल्यादेवी होळकर यांच्या त्रिशताब्दी जन्मोत्सवा निमित्य ३०० व्या जयंतीचे औचित्य साधून ३०० पुण्यश्लोक अहिल्यादेवी होळकर यांच्या पुतळ्यांचे भेट देऊन सन्मान करण्यात येणार आहे. 

सामाजिक कार्य करणारे, गुणवंत विद्यार्थी व विविध स्पर्धेमध्ये प्राविण्य मिळवलेल्या गुणवंतांना पुतळे देऊन सन्मान करणार असे बालाजी पेटेकर यांनी नुकतीच माहिती दिली. स्वतः शिल्पकार, चित्रकार असलेल्या बालाजी पेटेकर यांनी स्वतः ह्या पुतळ्याचे मॉडेल बनवले असून सामाजिक सेवेच्या भावनेतून हा उपक्रम त्यांनी हाती घेतला आहे.

महाराणी अहिल्या देवीचा पुतळा समोर ठेवून त्यांचा आदर्श, मानवतावादी दृष्टिकोन, सर्व समाजा प्रती असलेली समाजोनतीची तळमळ, निस्वार्थ सामाजिक कार्याचा वसा त्यांच्या पुतळ्यातून ही प्रेरणा मिळावी हा त्यांचा हेतू अहिल्यादेवी होळकर यांची ३०० वी जयंती वर्षभर महाराष्ट्रा सह इतर राज्यातही मातोश्री अहिल्या देवी होळकर त्रिशताब्दी जन्मोत्सव मोठ्या दिमाखाने हर्ष उल्हासात साजरा करण्यात येत आहे. या त्रिशताब्दी जन्मोत्सव वर्षा निमित्त विविध ठिकाणी विविध जिल्ह्यात विविध तालुका पातळीवर, वेगवेगळे उपक्रम राबवले जात आहेत.

या सामाजिक उपक्रमातून महामानवांचे विचार प्रत्येकाच्या घराघरात पोहोचावे या उद्देशाने विविध उपक्रम राबवण्यात येत आहेत. त्यापैकी पुण्य श्लोक अहिल्यादेवी होळकर यांचे कार्य विचारधारा सर्व स्तरापर्यंत जावी म्हणून बालाजी पेटेकर खतगावकर यांनी समाजसेवकासह ३०० व्या जयंती निमित्त ३०० पुतळे देऊन सन्मान करण्याचे ठरवले आहे. त्यांच्या या निस्वार्थ भावनेतून करण्यात येणाऱ्या समाजपयोगी उपक्रमाचे सर्व स्तरातून अभिनंदन होत आहे.

शिवगर्जना न्यूज संपादक : श्री शहाजी वरखिंडे बातम्या व जाहिराती साठी संपर्क 🗣📲📞(9923072242)