🛑 केंद्रीय गृहमंत्री अमित शहा यांच्या सभेसाठी १२ पार्किंग स्थळे.

🔴 केंद्रीय गृहमंत्री अमित शहा यांच्या सभेसाठी १२ पार्किंग स्थळे.

शिवगर्जना न्यूज, 

नांदेड प्रतिनिधी 

नांदेड, दि.२६ मे रोजी दुपारी २ वाजता नवा मोंढा, मैदान नांदेड येथे आयोजित केंद्रीय गृह व सहकार मंत्री अमित शहा यांच्या शंखनाद भव्य जाहीर सभेसाठी जिल्हा व पोलीस प्रशासनाने शहरात १२ पार्किंग स्थळे उभारली आहेत.

भारतीय जनता पक्षाने आयोजित केलेल्या या जाहीर सभेसाठी जिल्ह्यातील मोठ्या प्रमाणात कार्यकर्ते व वाहने येण्याची शक्यता लक्षात घेता जिल्हा व पोलीस प्रशासनाने नांदेड शहरात पार्किंगची व्यवस्था केली आहे.

यामध्ये यशवंत महाविद्यालयाचे मैदान येथे भोकर कडून येणारी दुचाकी व चार चाकी वाहने, महात्मा फुले शाळेचे मैदान येथे.नांदेड शहरातील सर्व दुचाकी वाहने, जाधव पार्किंग (दांतीवाला पेट्रोल पंप) येथे, नायगाव व देगलूर कडून येणारी दुचाकी व चार चाकी वाहने, २६ नंबर रोड येथे सर्व दुचाकी वाहने, शासकीय तंत्रनिकेतन मैदान येथे परभणी, लातूर आणि वसमत कडून येणारी चार चाकी वाहने, स्टेडियम रोड पार्किंग (गोकूळनगर) येथे सर्व दुचाकी वाहने, स्टेडियम ग्राऊंड पार्किंग (इंदिरा गांधी मैदान, गोकुळनगर) येथे दुचाकी व चारचाकी वाहने, खालसा हायस्कूल येथे चारचाकी वाहने व बसेस, हिंगोली गेट फटाका ग्राऊंड येथे सर्व प्रकारची वाहने, हनुमानगड मैदान येथे मुदखेड व अर्धापूर कडून येणारी सर्व वाहने, एम.जी.एम.कॉलेजचे मैदान येथे मुदखेड, अर्धापूर येथून येणारी सर्व प्रकारची वाहने तर राजर्षि शाहू विद्यालय येथे दुचाकी वाहनांच्या पार्किंगची व्यवस्था करण्यात आली आहे. या जाहीर सभेत सहभागी होणारे नागरिक व कार्यकर्त्यांनी या पार्किंग स्थळांचा वापर करावा, असे आवाहन करण्यात आले आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)