🛑 छ. संभाजी नगर कृषी उत्पादन बाजार समिती आंबा-मिलेट महोत्सव २०२५ चे भव्य उद्घाटन.

🔴 छत्रपती संभाजी नगर येथे जाधव वाडी, कृषी उत्पादन बाजार समिती, आंबा-मिलेट महोत्सव २०२५ चे भव्य उद्घाटन.

शिवगर्जना न्यूज, 

जि. प्रतिनिधी ज्योती हंगे

छ. संभाजी नगर

राजस्थान चे राज्यपाल श्री. हरिभाऊ बागडे नाना यांच्या सह व इतर मान्यवरांच्या उपस्थितीत आज जाधववाडी येथील कृषी उत्पन्न बाजार समिती च्या आवारात आंबा-मिलेट महोत्सव २०२५ च उद्घाटन झाले. या प्रसंगी बाजार समिती च्या वतीने नव्याने उभारण्यात आलेल्या पेट्रोल पंपाचे लोकार्पण देखील मान्यवरांच्या हस्ते पार पडले.

उद्घाटन प्रसंगी “एकदा चांगल्या कामाला सुरुवात झाली, की लोकांचा विश्वास आपोआप मिळतो. बाजार समिती मार्फत राबवण्यात येणाऱ्या सर्व शेतकरीहिताच्या उपक्रमांमध्ये माझा सक्रिय सहभाग आणि सहकार्य राहील,” अशी ग्वाही त्यांनी उपस्थितांना दिली.

या महोत्सवात आंबा व मिलेट उत्पादक शेतकरी, शेतकरी उत्पादक कंपन्या, महिला बचत गट यांच्यासह विविध स्टॉल्स लावण्यात आले आहेत. हा महोत्सव पाच दिवस सुरु राहणार आहे.

कार्यक्रमास फुलंब्री आमदार सौ. अनुराधा चव्हाण व बाजार समितीचे सभापती डॉ. राधाकिसन पठाडे, संचालक रामुकाका शेळके, भगवंत मुळे, मुरलीधर चौधरी, व्यवस्थापक नितीन पाटील, विभागीय सहनिबंधक शरद दरे, HP कंपनीचे अजय सिन्हा व इतर मान्यवर उपस्थित होते.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)