🛑 घरकुल सर्वेक्षणामध्ये कुचराई केल्यास कार्यवाही — आ. राजेश पवार.

🔴 घरकुल सर्वेक्षणामध्ये कुचराई केल्यास कार्यवाही —- आ. राजेश पवार. 

शिवगर्जना न्यूज, 

नांदेड :प्रतिनिधी निळकंठ जाधव 

भारतात एकही कुटुंब बेघर राहता कामा नये, यासाठी पंतप्रधान नरेंद्र मोदी यांनी देशात मोठया प्रमाणात घरकुलाला मंजुरी देत आहेत. नुकतेच पंतप्रधान आवास योजना टप्पा २ अंतर्गत ग्रामीण व शहरी भागात घरकुल वंचित कुटूंबाला घरकुल देण्यासाठी ऑनलाईन अर्ज करणे प्रक्रिया सुरू आहे. हे सर्वेक्षण काटेकोरपणे करण्यात यावे, जेणेकरून कोणताही गरजू नागरिक या योजनेपासून वंचित राहणार नाही. कोणी कर्मचारी या कामात कुचराई करेल तर त्यांच्या विरुद्ध कार्यवाही करण्यात येईल असे निर्देश आ.राजेश पवार यांनी पंचायत समिती प्रशासनाला दिले आहेत.

पंतप्रधान आवास योजनेच्या सर्वेक्षणाचा आढावा घेण्यासाठी आ. राजेश पवार यांनी शुक्रवारी दुपारी सव्वा तीन वाजता आयोजित केलेल्या ऑनलाईन बैठकीत ते बोलत होते. या बैठकीला माजी जि.प.सदस्या पुनमताई पवार जिल्हा परिषदेचे, जिल्हा ग्रामीण विकास यंत्रणेचे प्रकल्प संचालक डॉ. संजय तुबाकले, नायगाव विधानसभा मतदारसंघातील तीनीही तालुक्यातील प्रशासनास निर्देश दिले. 

गटविकास अधिकारी, विस्तार अधिकारी, ग्रामसेवक आदी कर्मचारी सामिल होते. बैठकीच्या प्रारंभी पंतप्रधान आवास योजनेच्या या सर्वेक्षणाचा नायगाव, उमरी, धर्माबाद या तीन तालुक्याचा चालू परिस्थितीचा आढावा घेण्यात आला. त्यानंतर बैठकीला संबोधित करताना आ. राजेश पवार यांनी सर्वेक्षणामध्ये अधिक गती आणण्याची सूचना केली. पंतप्रधान आवास योजना ही पंतप्रधान नरेंद्र मोदी यांची महत्त्वाकांक्षी योजना असून, या योजनेच्या माध्यमातून बेघरांना तसेच कच्च्या घरात राहणाऱ्या गरजू नागरिकांना पक्क्या घराची सुविधा उपलब्ध होते. त्यामुळे कोणताही गरजू व पात्र नागरिक या सर्वेक्षणातून वंचित राहता कामा नये, या योजनेसाठी अर्ज करण्याची अंतिम तारीख वाढली असून दि. ३१ मे आहे. त्यामुळे राहिलेल्या दिवसांत प्रशासनाने अधिक व्यापक स्तरावर जनजागृती व सर्वेक्षण करावे, असे निर्देशही आ. पवार यांनी दिले.

आ. पवार म्हणाले की, आतापर्यंत घरकुलाचा लाभ भेटला नाही. असे अनेक व्यक्ती कुटुंब कामाच्या शोधात पुणे, मुंबई, हैदराबाद आदी ठिकाणी गेले आहेत. त्या व्यक्तीना ग्रामसेवक व सरपंच या दोघांनी सूचना देऊन बोलावून घ्यावे व त्याचे पण गावात राहून सुध्दा अनेक कुटुंब बेघर व कच्या घरात राहतात. त्या पण लाभ भेटला नाही असा कुटुंबानेच घरकुल सर्वेक्षण करून घ्यावे. तारीख वाढली असली तरी प्रत्येक ग्रामसेवक सतर्क राहून घरकुल सर्वेक्षण करावे. या लाभापासून एकही कुटूंब वंचित राहता कामा नये अशा सूचना देत तिन ही तालुक्यातील गटविकास अधिकाऱ्यांना तालुक्यात दररोज किती सर्वेक्षण झाले, यांची माहिती कळवावी असे आ. पवार यांनी सागितले.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)