🛑 वन्नाळी त अनेक वर्षापासून बंद असलेल्या पाणंद रस्त्याचे उजळले भाग्य.

🛑 वन्नाळी त अनेक वर्षापासून बंद असलेल्या पाणंद रस्त्याचे उजळले भाग्य.

♦️ ७०० एकर जमिनीला मिळाला मोकळा श्वास.

शिवगर्जना न्यूज, 

देगलूर प्रतिनिधी {9923072242}

देगलूर तालुक्यातील वन्नाळी येथील गेल्या अनेक वर्षां पासून बंद अवस्थेत असलेल्या शिव पांदण रस्त्याचे काम मुख्यमंत्र्यांच्या १०० दिवसांच्या कृती आराखड्यातून नुकतेच मार्गी लावण्यात आले. या बंद असलेल्या पांदण रस्ता अतिक्रमण हटवून मार्गी लावण्यासाठी प्रशासनाकडे शेतकऱ्यांनी वारंवार साकडे घातले होते याची दखल घेऊन मा. तहसीलदार भरत सूर्यवंशी यांनी पाणंद रस्ता अतिक्रमण मुक्त करण्याचे आदेश काढले, त्या नुसार नायब तहसिलदार गिरीश सर्कलवाड, मंडळ अधिकारी बालाजी पुष्पलवार, ग्राम महसुल अधिकारी अजय ठाकूर, भूमी अभिलेख कार्यालय कर्मचारी कमलाकर, सुशील चाफे तसेच पोलीस निरीक्षक मारोती मुंडे यांनी पोलीस पथक पाठवले त्यात वानरे यांच्या सह पोलीस कर्मचारी व होमगार्ड उपस्थित राहुन सर्वांनी सदरील रस्ता अतिक्रमण मुक्त केला. 

♦️तहसील, भूमि अभिलेख व पोलीस प्रशासनाची कौतूकास्पद संयुक्त कामगिरी. 

वन्नाळी गावातील शेतकऱ्यांना सोबत घेऊन बस्वराज पाटील यांनी स्वतः पुढाकार घेतल्याने या गावातील व पंचक्रोशीतील ७०० एकर जमिनीला याचा फायदा होत असून वन्नाळी गावातील शेतकऱ्यांचे या पाणंद रस्त्याच्या लगत असलेल्या शेतकऱ्यांना शेतीची मशागत करणे धान्याची ने आण करणे बैलगाडीने खते बि-बियाणे ई. ची ने आण करण्यासाठी व जनावरे नेण्यासाठी वापर करण्यासाठी अति सुलभ झाले आहे त्यामुळे वन्नाळी गावातील व पंचक्रोशीतील शेतकऱ्यांनी प्रशासनाचे मनापासून आभार मानले.

समाज सेवेत सदैव तत्पर असलेले वन्नाळी भूमिपुत्र बस्वराज पाटील वन्नाळीकर यांनी पुढाकार घेत खरिप हंगामा पूर्वी शेत शिवार रस्त्याला मोकळा श्वास मिळवून दिला. गेल्या कित्येक वर्षापासून बळी राजाला पाणंद रस्त्या अभावी होणारा ञास आता मावळला असून पाणंद रस्त्याने मोकळा श्वासामुळे शेतकर्‍यांना आता शेती करण्यासाठी अधिक सोयीस्कर झाली आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)