🛑 सन्मान मातृत्वाचा संघर्ष आईचा पुरस्कार सुनंदा बाजीराव निकम यांना घोषीत.

🔴 सन्मान मातृत्वाचा संघर्ष आईचा पुरस्कार सुनंदा बाजीराव निकम यांना घोषित. 

शिवगर्जना न्यूज, 

नाशिक प्रतिनिधी डॉ. श्याम जाधव

नाशिक आज दिनांक २७/४/२०२५ रोजी मनु मानसी महिला बहुउद्देशिय सेवाभावी संस्थेच्याआयोजित “सन्मान मातृत्वाचा संघर्ष आईचा” हा पुरस्कार देण्यात येणार आहे. या कार्यक्रमासाठी पंडत पैठणी, राष्ट्रीय ग्राहक रक्षक समिती, श्री निवास ज्वेलर्स आणि भारत माझा न्यूज, अर्वाचीन न्यूज चॅनल यांचे विशेष सहकार्य मिळाले आहे.

मनु मानसी संस्थेच्या वतीने श्रीमती सुनंदा बाजीराव निकम यांच मूळ गाव बागलाण तालुक्यातील मुंगसे येथील आहे. सध्या त्या त्यांच्या मोठा मुलगा यांच्याकडे अहिल्यानगर येथे वास्तव्यास आहेत. श्रीमती सुनंदा मावशी या घरंदाज कुळातील लाडात वाढलेल्या व्यक्ती आहेत. यांचे लग्न १९७२ ला झाले. पेशाने शिक्षक असलेल्या बाजीराव काळू निकम यांच्याशी झाला. सुरुवातीपासून च अत्यंत खडतर परिस्थितीत त्यांनी संसाराला सुरुवात केली नोकरी निमित्ताने डोंगराळ आणी आदिवासी भागात बरेच वर्षे वास्तव्य होते. पण श्रीमती सुनंदा मावशी यांनी या गोष्टीची कधीही जाणीव होऊ दिली नाही आणि त्याही परिस्थितीत खंबीरपणे उभे राहून संसाराचा गाडा पुढे ओढत राहिल्या. चार मुली आणि दोन मुलं असा मोठा परिवार असताना सुद्धा एका पगारावर त्यांनी मुला मुलींचे शिक्षण पूर्ण करून उच्च शिक्षित केले. श्रीमंती सुनंदा मावशी माहेरी मोठ्या लाढात वाढलेल्या असतानाही सासरी त्यांनी आहे त्या परिस्थितीत समाधान मानून सर्व चारी मुलींना उच्चशिक्षित केले मुलींचे चांगल्या ठिकाणी लग्न झाले. तसेच त्यांची आज दोन्ही मुले उच्च शिक्षण घेऊन चांगल्या ठिकाणी उच्च पदावर कार्यरत आहेत. उभ्या आयुष्यात संसाराचा गाडा ओढताना त्यांनी कधीही कोणत्या मुला मुलींना किंवा पतीला कुठल्याही गोष्टीची कमतरता भासू दिली नाही संपूर्ण आयुष्यभर कष्टाने संसार उभा करून सर्व व्यवस्थित झाले आहे असे असतानाच त्यांनी दुःखही खूप सहन केले. २०१९ साली पतीचे हृदयविकाराने अचानक निधन झाले.पण त्या परिस्थितीत सुद्धा दुःख विसरून खंबीरपणे मुला मुलींच्या पाठीमागे उभे राहून त्यांच्यासाठी भक्कम आधार झाल्या. गेल्या वर्षी एप्रिल महिन्यात त्यांच्यावर एक मोठा दुःखाचा डोंगर कोसळला त्यांची तिसऱ्या नंबरची मुलगी अचानक हृदयविकाराने मयत झाली. मुलीच्या जाण्याने त्या पुरत्या हादरल्या पण तरीही एवढं मोठं दुःख पेलून सुद्धा बाकी सर्व परिवाराला आधार देत आजही खंबीरपणे उभ्या आहेत. स्वतःचा कधीही विचार न करता संसारासाठी संपूर्ण आयुष्य समर्पित करणाऱ्या माऊलीस त्रिवार मानाचा मुजरा.

मनु मानसी महिला बहुउद्देशिय सेवाभावी संस्था ही एक सामाजिक संस्था आहे. सामाजिक, सांस्कृतिक, शैक्षणिक, आरोग्य आणि महिलांचे सबलीकरन केले जाते आणि वृध्द आश्रम, अनाथ आश्रम, शाळा, पाडया वरील महिलांसाठी साडी वाटप करणे, शिबिर आयोजित करणे, हॉबी क्लासेस घेणे, घरगुती कामे देणे, शैक्षणिक वस्तूंचे वाटप करणे, फराळ वाटप करणे, ब्लँकेट वाटप, सॉक्स आणि गाऊन वाटप करणे असे अनेक सामाजिक कार्य आणि उपक्रम राबविले जातात.

मनु मानसी संस्थेने सन्मान मातृत्वाचा संघर्ष आईचा हा सन्मान सोहळा आयोजित केला आहे. यामध्ये पैठणी शेला नथ ट्रॉफी नाश्ता देऊन सन्मानित करण्यात येईल. समाजासाठी एक आदर्श मातृत्व म्हणून पुढे यावे आणि आजच्या पिढीला प्रेरणा, आदर्श मिळावा. आणि आपल्याला आनंद मिळावा म्हणूनअश्या आईंचा सन्मान करण्याची संधी आमच्या संस्थेच्या माध्यमातून होत आहे.म्हणून आपल्याला आव्हान करण्यात येत आहे की जास्तीत जास्त महिलांनी या सोहळ्यासाठी सहभागी होऊन उपस्थित रहावे. हा आगळा वेगळ्या कार्यक्रमाचे आपण साक्षीदार व्हावे.असे मनु मानसी संस्थेच्या सौ. मेघा राजेश शिंपी. संस्थापिका, ॲड. विनया नागरे. कायदेशीर सल्लागार आणि डॉ. सौ. ज्योती केदारे यांनी सांगितले आहे. या कार्यक्रमासाठी मनु मानसी संस्थेची सर्व टीम सहकार्य करीत आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)