🛑जिल्हा परिषदेच्या शाळा वाचविल्या तरच वाचाल

🔴 जिल्हा परिषदेच्या शाळा वाचविल्या तरच वाचाल भविष्यात गोरगरीबांना शिक्षण मिळणे दुरापास्त होईल— डॉ. गड्डमवार. 

शिवगर्जना न्यूज, 

नायगाव : बाळासाहेब पांडे

प्रत्येक गावातील जिल्हा परिषदेच्या शाळा त्या त्या गावातील पालकांनी आपल्या पाल्याचे प्रवेश घेऊन वाचविल्या नाही तर मोफत शिक्षण देणाऱ्या शाळा बंद झाल्या तर खाजगी इंग्रजी माध्यम शाळेची एकाधिकारशाही निर्माण होऊन त्या शाळेची फीस भरणे अशक्य होऊन गरीबाची मुले शिक्षणा पासून वंचित राहु शकतील त्यासाठी प्रत्येक गावातील पालकांनी इंग्रजी माध्यम शाळेऐवजी मराठी माध्यमाच्या जिल्हा परिषदेच्या शाळामध्ये पाल्यांना प्रवेश देऊन गुणवत्ते बाबत सातत्याने विचारणा करावी असे आवाहन प्रा.डॉ.शंकर गड्डमवार यांनी नायगाव कॅम्प येथील जिल्हा परिषद प्राथमिक शाळेच्या वतीने निपून महाराष्ट्र कार्यक्रमाअंतर्गत चावडी वाचन उपक्रमाअंतर्गत प्रमुख पाहुणे म्हणून बोलताना व्यक्त केले.

या कार्यक्रमाच्या अध्यक्षस्थानी शाळेचे मुख्याधापक तथा प्रभारी केंद्र प्रमुख शिवराज साधू हे होते. पुढे बोलताना डॉ. गड्डमवार म्हणाले की, जिल्हा परिषदेच्या शाळा आणि शिक्षक यांच्यामध्ये आता आमुलाग्र बदल झाला असून, गुणवतेमध्ये कोणत्याही क्षेत्रा मध्ये मागे राहील्या नाहीत म्हणून पालकांनी या शाळेकडे सकारात्मक दृष्टीने पाहावे. या शाळे मधील शिक्षक हे नेहमीच इतर शाळेतील शिक्षकापेक्षा अधिक कार्यक्षम आहेत म्हणून त्यांची हजारो विद्यार्थ्यामधून स्पर्धा परिक्षेच्या माध्यमातून निवड झालेली असते. म्हणून शाळा वाचविण्याची जबाबदारी पालकांनी पार पाडावी तर इतर शाळेपेक्षा गुणवतेचे विद्यार्थी निर्माण करण्याचे काम शिक्षकांनी करावे. इतर शाळांना डोनेशन व फी देण्यापेक्षा स्वेच्छेने जिल्हा परिषदेच्या शाळांना पालकांनी सहकार्य करावे असेही आवाहन केले.

यावेळी प्रत्येक वर्गातील विद्यार्थ्यांच्या वतीने विविध विषयाचे चावडी वाचन घेण्यात आले. अध्यक्षीय समारोप करताना शिवराज साधू यांनी महाराष्ट्र शासनाच्या वतीने राबविण्यात येणाऱ्या विविध उपक्रमासंबंधी माहिती देऊन ते शाळेमध्ये राबविण्यासाठी आम्ही तत्पर आहोत तसेच कांही भौतिक सुविधासाठी आमच्या पगारातून खर्च करण्यासाठी तयार आहोत असे ते म्हणाले. यावेळी सुर्यकांत कल्याण, शामसुंदर पवळे, दिलीप चव्हाण, व्ही जी ठाकूर, भगवान हाणमंते, साईनाथ कल्याण, अंबादास गोरे, बालाजी धोते, माधव वडपत्रे, सचिन वाघमारे, गजानन कुंचलवाड, शेख नईमसाब, सचिन व्यवहारे, बापूराव व्यवहारे, शफीशेख यासीनसाब, गजानन घोडके, मंगेश बच्छाव, क्रांती हटकर, महानंदा भोईवाडे, मिना पांचाळ, रेवती हटकर, लक्ष्मीबाई निलेवाड, रिमा हटकर, ज्योती गाडले ई. पालक उपस्थित होते तर शाळेतील शिक्षिका सौ रेखा सरोदे, सौ. रोहिणी वट्टमवार, सौ पिंकी हुंडेकर, सौ. प्रेमलता ढेपगुंडे, सौ प्रणिता मुंडकर व शिक्षक संतोष कल्याण यासह शाळेतील सर्व विद्यार्थी विद्यार्थिनी उपस्थित होते.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)