🛑 नगर परिषदेचे मुख्याधिकारी दिपक मोरे यांनी पदभार स्वीकारला

🔴 कुंडलवाडी नगर परिषदेचे मुख्याधिकारी दिपक मोरे यांनी पदभार स्वीकारला. 

शिवगर्जना न्यूज, 

कुंडलवाडी (सिध्दार्थ कांबळे) 

कुंडलवाडी शहरातील नगर परिषदवर नगरविकास विभागाने कारंजा नगर परिषदेचे मुख्याधिकारी दिपक मोरे यांच्या नियुक्तीचे आदेश २० मार्च रोजी जारी करण्यात आले होते. त्यानुसार मुख्याधिकारी दिपक मोरे यांनी दि. २८ मार्च रोजी कुंडलवाडी नगरपालिकेचा पदभार स्वीकारला आहे. तब्बल २३ महिन्यांनंतर पालिकेला नियमित अधिकारी मिळाले आहेत.

कुंडलवाडी नगर परिषदेचे तात्कालीन मुख्याधिकारी ज्ञानेश्वर ठोंबरे यांची ३१ मे २०२३ रोजी बदली झाल्यानंतर कुंडलवाडी नगर परिषदेत गत २३ महिन्यांपासून कायम स्वरूपी मुख्याधिकारी मिळाले नाहीत. कधी महसूल विभागातील नायब तहसीलदाराकडे तर कधी धर्माबाद व देगलूर नगर परिषदेच्या मुख्याधिकाऱ्यांना कुंडलवाडी नगरपालिकेचा अतिरिक्त पदभार देण्यात आला होता. कायमस्वरुपी मुख्याधिकारी नसल्याने नागरिकांची कामे वेळेवर होत नसल्याचे अनेक नागरिकांच्या तक्रारी होत्या. लोकांच्या आरोग्य, बांधकाम व लोकहिताची कामे वेळेवर होत नसल्यानं संपूर्ण शहराच्या विकास कामांना ब्रेक लागला आहे.

कायम स्वरुपी मुख्याधिकारी नसल्याने काही किरकोळ कामे करण्यास सुध्दा विलंब होत होती. कोणत्याही शहराच्या विकासात तेथील अधिकाऱ्यांची भूमिका अतिशय महत्त्वाची असते. अधिकारी नियमित असतील तर ते मनापासून कामही करतात आणि शहरास प्रगति पथावर नेण्यासाठी प्रयत्न करतात. कुंडलवाडी नगरपरिषदेला मागील २३ महिन्यांपासून पूर्ण वेळ मुख्याधिकाऱ्यांची प्रतीक्षा होती, मुख्याधिकारी दिपक मोरे यांनी पदभार स्विकारल्याने ती आता संपली आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)