🛑 न्यायालयातील राष्ट्रीय लोक अदालतीत ७९६ प्रकरणांचा निपटारा

🔴 बिलोली न्यायालयातील राष्ट्रीय लोक अदालतीत ७९६ प्रकरणांचा निपटारा विभक्त राहणाऱ्या दांम्पत्यांचा संसार जुळला. 

शिवगर्जना न्यूज, 

बिलोली : विलास शेरे 

जिल्हा विधी सेवा प्राधिकरणाच्या साह्याने बिलोली तालुका विधी सेवा समितीच्या वतीने शनिवार दि. २२ मार्च रोजी बिलोली चे जिल्हा न्यायधीश दिनेश कोठलीकर यांच्या अध्यक्ष तेखाली राष्ट्रीय लोक अदालतीचे आयोजन करण्यात आले होते. या लोक अदालतीत ४०१८ प्रकरणे ठेवण्यात आली होती. त्यापैकी ७९६ प्रकरणे सामोपचाराने मिटविण्यात आली असून यावेळी गेल्या दोन वर्षांपासून विभक्त राहणाऱ्या एका दामत्यांचा पुन्हा संसार जुळविण्यात यश आले आहे.

प्रलंबित आलेले व न्यायालयीन लढाई पेक्षा बाहेरच कमी वेळेत प्रकरणांचा तडजोडीने निपटारा व्हावा यासाठी लोक अदालतीचे आयोजन करण्यात येते. दि. २२ मार्च रोजी बिलोली येथील अती जिल्हा सत्र न्यायालयात बिलोली चे अति. जिल्हा सत्र न्यायाधीश दिनेश ए. कोठलीकर यांच्या अध्यक्षतेखाली राष्ट्रीय लोक अदालतीचे आयोजन करण्यात आले होते. यावेळी न्या. ए. ए. के शेख, न्या व्ही. आय घोरपडे यांच्या उपस्थितीत सदरची लोक अदालत पार पडली. या लोक अदालतीत तालुका विधी सेवा समितीच्या वतीने ४०१८ विविध प्रकरणे ठेवण्यात आली होती. त्यापैकी ७९६ प्रकरणे सामोपचाराने निकाली काढण्यात आली. निकाली काढण्यात आलेल्या प्रकरणांमध्ये चार कोटी २१ लाख ३६ हजार ३५१ रूपयांची तडजोड करण्यात आली. तर न्या. ए ए के शेख यांच्या न्यायालयातील बायको नांदायला येण्यासाठी सचिन कुमार बिरादार यांनी दि. २८ एप्रिल २०२३ रोजी दाखल केलेल्या प्रकरणात न्या. शेख यांनी दोन्ही बाजुच्या लोकांना समजून सांगत राष्ट्रीय लोक अदालतीत प्रकरण निकाली काढण्यात आले. या प्रकरणात पॅनल विधिज्ञ ॲड. एन. एच येरावार व ॲड. मनोज आरळीकर यांनी महत्वपूर्ण भूमिका बजावली. ऑनलाईन पद्धतीने तडजोड झालेल्या या प्रकरणातील पती सचिन कुमार बिरादार व पुजा बिरादार यांनी एकत्र आनंदी राहण्याचा निर्णय घेतला. बिलोली येथे पार पडलेल्या राष्ट्रीय लोक अदालतीच्या यशस्वीतेसाठी अधिक्षक एम. डी होपळे, वरिष्ठ लिपीक संजय शेवाळे यांच्यासह न्यायालयीन कर्मचाऱ्यांनी परिश्रम घेतले.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)