🛑 दिव्यांग, वृध्द हक्कासाठी २३ मार्च २०२५ रोजी बिलोलीत मेळाव्याचे आयोजन.

🛑 दिव्यांग, वृध्द, निराधारांनी हक्कासाठी २३ मार्च २०२५ रोजी बिलोलीच्या मेळाव्यास देगलूर तालुक्यातील बांधव सहभागी व्हावे.

शिवगर्जना न्यूज, 

देगलूर : प्रतिनिधी {9923072242}

दिव्यांग, वृद्ध आणि निराधार व्यक्तींना त्यांचे हक्क मिळवून देण्यासाठी दिव्यांग वृद्ध निराधार मित्र मंडळ महाराष्ट्र यांच्या वतीने २३ मार्च २०२५ रोजी सकाळी ११ वाजता पंचायत समिती सभागृह, बिलोली येथे भव्य मेळाव्याचे आयोजन करण्यात आले आहे. या मेळाव्यात विविध मान्यवर व प्रशासकीय अधिकारी उपस्थित राहणार असून, शासन व प्रशासनास जागे करण्याचा निर्धार या कार्यक्रमातून केला जाणार आहे. तरी मुखेड तालुक्यातील सर्व दिव्यांग वृध्द निराधारांनी आपल्या हक्कासाठी संघटित संघर्षासाठी सहभागी व्हावे.

मेळाव्याच्या अध्यक्षस्थानी चंपतराव डाकोरे पाटील कुंचोलीकर (संस्थापक अध्यक्ष, दिव्यांग वृद्ध निराधार मित्र मंडळ महाराष्ट्र) असतील. उद्घाटन मा. गजानन शिंदे (तहसीलदार, बिलोली) यांच्या हस्ते होईल, तर प्रमुख पाहुणे म्हणून मा. श्रीनिवास पदमवार (गटविकास अधिकारी, बिलोली), सुधाकरराव पिल्लगुंडे (मराठवाडा प्रमुख, दिव्यांग वृद्ध नि.मि.मं.), गोविंदराव मुंडकर (प्रमुख वक्ते), माधवराव अटकोरे (ज्येष्ठ पत्रकार), अतुल भोसले (पोलीस निरीक्षक, बिलोली), सतिषराव पुदाके (मुख्याधिकारी, नगर परिषद बिलोली), नरसिंग निमलवाड (आगार व्यवस्थापक, बिलोली), कमलाकर जमदाडे (संपादक, लोकसेवा न्यूज), शहाजी वरखिंडे (संपादक, शिवगर्जना न्यूज), आरिफ शेख (संपादक, महाराष्ट्र २४ न्यूज), मुस्ताफा पिंजारी (पत्रकार संरक्षण ता. सचिव, मुखेड), रामप्रसाद चनावार (ज्येष्ठ पत्रकार) आदी मान्यवर उपस्थित राहणार आहेत.

दिव्यांग, वृद्ध आणि निराधार नागरिकांच्या हक्कांसाठी सतत संघर्ष सुरू असून, विविध निवेदने आणि आंदोलने यामुळे काही प्रमाणात लाभ मिळाले आहेत. या आधी नांदेडच्या माजी जिल्हाधिकारी अभिजित राऊत यांनी सात वेळा बैठक घेऊन आदेश दिले होते, मात्र अनेक कनिष्ठ अधिकारी त्याची अंमलबजावणी करत नसल्याने हा प्रश्न अद्याप सुटलेला नाही. नुकतेच नांदेड जिल्हाधिकारी यांच्या अध्यक्षतेखाली बैठक पार पडली, पण अनेक अधिकारी अनुपस्थित होते. त्यामुळे अधिक तीव्र संघर्षाची गरज असल्याचे चंपतराव डाकोरे पाटील कुंचेलीकर यांनी सांगितले.

या पार्श्वभूमीवर आगामी रणनीती ठरवण्यासाठी आणि शासन-प्रशासनास जागे करण्यासाठी २३ मार्च रोजी होणाऱ्या मेळाव्यास मोठ्या संख्येने उपस्थित राहण्याचे आवाहन नांदेड जिल्हा संपर्क प्रमुख नागोराव बंडे, जिल्हा उपाध्यक्ष राजुभाऊ शेरकुरवार, जिल्हा सचिव अनिल रामदिनवार आणि अन्य पदाधिकाऱ्यांनी केले आहे. करीता जिल्ह्यातील पदाधिकाऱ्यांची मोठी उपस्थिती अपेक्षित. 

या मेळाव्यास नांदेड जिल्ह्यातील विविध तालुक्यांचे पदाधिकारी सहभागी होणार आहेत. बालाजी होनपारखे (बिलोली ता. अध्यक्ष), विठ्ठल बेलकर (नायगाव), मगदुम शेख ऊंद्रीकर (मुखेड), गजानन वंहिंदे (उमरी), उमेश भगत (माहूर), नामदेव बोडके (हदगाव), दिंगाबर लोणे (अर्धापूर), शेख हानिफ (लोहा), चांदू गवाले (कंधार), रवि ठाकूर (देगलूर), शेख मुस्तफा (नांदेड), अंकुश राठोड (किनवट), बालीताई जंगनवाड (महिला ता. अध्यक्ष), सविता नांदेड, चांदु गवाले कंधार ,शेख हानिफ लोहा, शंकर म्हैत्रे, संतोष नरवाडे, दिंगाबर तरटे, आणि इतर पदाधिकारी मोठ्या संख्येने उपस्थित राहणार आहेत. 

 शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)