🛑 जिल्ह्यातील विकास कामे मार्गी लावण्या साठीच राष्ट्रवादी मध्ये प्रवेश-माजी खा. खतगावकर

🔴 जिल्ह्यातील विकास कामे मार्गी लावण्या साठीच राष्ट्रवादी मध्ये प्रवेश—- माजी खा. भास्करराव पाटील खतगावकर. 

शिवगर्जना न्यूज, 

संपादक : शहाजी ना. वरखिंडे

{मो. 9923072242}

नांदेड बीदर रेल्वे प्रश्न, जिल्याचा सिंचन प्रकल्पा सह अनेक विकास कामा साठी चर्चा करूनच विकास कामे मार्गी लावण्याच्या हेतूने आपण येत्या २३ मार्च रोजी राष्ट्रवादी काँग्रेस पक्ष अजित पवार गट या मध्ये प्रवेश करीत असून माझ्या सोबत माजी आ.पोकर्णा, डॉ. मीनलताई खतगावकर, यांच्या सह तीनशे सरपंच, आजी माजी जिल्हा परिषद, पंचायत समिती सदस्य, चेअरमन, उपसरपंच, व्हॉईस चेअरमन, व काँग्रेस कार्यकर्ते प्रवेश करणार आहेत. जवळ पास २० ते २५ हजार जनसमुदाय या पक्ष प्रवेश सोहळ्यास येणाऱ्यांसाठी नियोजीत भव्य सभा मंडप उभारणी होत आहे. त्याचे भूमी पूजन करण्यात आले अशी माहिती पत्रकार परिषदेच्या माध्यमातून मा.खा. भास्करराव पा. खतगावकर यांनी सोमवारी सकाळी अकरा वाजता झालेल्या पत्रकार परिषदेत दिली.

ते पुढे म्हणाले माझ्या पक्ष प्रवेशावर टीका टिपणी करणाऱ्यांनी अगोदर आपण पक्ष बदलला का नाही आत्मपरीक्षण करणे गरजेचे आहे. माजी केंद्रीय मंत्री सूर्यकांता पाटील, माधवराव किन्हाळकर, बळवंतराव चव्हाण, वसंत चव्हाण, गोरठेकर, कुंटुरकर, या सह अनेकांनी राजकीय परिस्थितीत पक्ष बदलला, त्या मुळे पक्ष बदलावर न जाता ती व्यक्ती जनतेच्या विकासा करिता किती कामाची आहे याचे निरीक्षण करावे असे त्यांनी टीकाकारांना उत्तर दिले.

मी राष्ट्रवादी पक्ष का निवडला तर त्याचे कारण म्हणजे राष्ट्रवादी पक्ष हा सर्व समाज घटकाना घेऊन चालणारा व अजित पवार यांच्या नेतृत्वात विकासाची कामे धडाडीने करणारा पक्ष आहे म्हणून इतर पक्षाची ऑफर धुडकावून या पक्षात प्रवेश करण्याचा निर्णय घेतला असे त्यांनी सांगितले. दि. २३ मार्च रोजी नरसी ता. नायगाव येथे राष्ट्रवादीचे अध्यक्ष आणि उप मुख्यमंत्री अजित पवार यांच्या उपस्थितीत शक्ति प्रदर्शनासह राष्ट्रवादी काँग्रेसमध्ये स्नुषा डॉ. मीनल खतगावकर आणि माजी आमदार ओमप्रकाश पोकर्णा व ३०० सरपंच व आपल्या असंख्य समर्थकांसह राष्ट्रवादी काँग्रेसमध्ये प्रवेश करणार आहेत. आमदार प्रतापराव पाटील चिखलीकर यांच्या उपस्थितीत नियोजित सभास्थळी झालेल्या पत्रकार परिषदेत खतगावकर बद्दल स्पष्ट सांगितले.

♦️राष्ट्रवादी अजित पवार पक्ष जिल्ह्यात एक नंबरचा राहील – आमदार प्रतापराव पा. चिखलीकर. 

प्रारंभी आमदार प्रतापराव पाटील चिखलीकर म्हणाले, मध्यवर्ती ठिकाण म्हणून दादांच्या पक्ष प्रवेशासाठी नरसी ची निवड केली आहे. येत्या २३ तारखेस ज्येष्ठ नेते माजी खा. खतगावकर दादा व त्यांच्या समर्थकांच्या प्रवेशा नंतर त्यांच्या साथीने व मार्गदर्शनाने नांदेड जिल्ह्यात राष्ट्रवादी अजित पवार पक्ष नंबर वन करण्याचा आपला प्रयत्न राहणार आहे असे आमदार चिखलीकर यांनी पत्रकार परिषदेत दिले. आम्ही एकोप्याने पक्ष वाढविण्यासाठी निष्ठेने काम करू अशी भावना व्यक्त करत महा युतीच्या बाबद बोलताना कोणाला युती तोडून निवडणूक लढवायची खुमखुमी असेल तर आमची पण तयारी आहे असे म्हणत येत्या स्थानिक स्वराज्य निवडणुकी च्या तयारीचे संकेत त्यांनी या वेळी दिले. राज्यातील महायुती बाबत वरिष्ठ नेते निर्णय घेतील. आम्ही मैत्री धर्म जपणारे आहोत. त्यामुळेच मित्र पक्षातील कोणालाही आज पर्यंत आम्ही आमच्या पक्षात आम्ही प्रवेश दिला नाही.

दरम्यान पत्रकार परिषदेच्या वेळी, भाजपचे जिल्हाध्यक्ष संतुक हंबर्डे, शिरोळे यांचीही उपस्थिती होते. याबाबत दादा व चिखली करांना छेडले असता, भास्कर पाटलाचा प्रवेश २३ तारखेला होणारच आहे. असे स्पष्ट संकेत देत भास्कर दादा खतगावकर यांनी ३०० च्या वर सरपंच व अनेकांच्या पक्ष प्रवेशाचे संकेत दिले.

यावेळी प्रदेशाध्यक्ष सुनील तटकरे, माजी मंत्री नवाब मलिक आणि सहकार मंत्री बाबासाहेब पाटील या सह पक्षातील मान्यवर उपस्थित राहणार आहेत. प्रणिता ताई देवरेच्या पक्ष प्रवेशावर पत्रकाराच्या प्रश्नावर बोलताना चिखलीकरांनी स्पष्ट उत्तर दिले. ते म्हणाले, प्रणिता ताई देवरे देवरे आहेत, तर माझी भगिनी शिंदे ताई या इतर पक्षात आहेत त्यांना जिथे काम करण्याची इच्छा त्यांना स्वातंत्र्य आहे. जेव्हा आमचे विचार पटतील तेव्हा ते आमच्या कडे येण्याचा विचार करतील असे संकेत देत थोडा सबर करो आगे आगे होता है क्या…… असा सूचक इशारा त्यांनी या वेळी भाजप मध्ये असलेल्या आपल्या विचारातील कार्यकर्त्या बद्दल दिला. पक्ष बदलाच्या विषयावर बोलताना आपण भाजपा स्वतःहून सोडला नाही, तर ती नेत्यांना सामावण्याची होती म्हणून सोडला. असे बोलून आता याच पक्षात आपला मुक्काम असल्याचे स्पष्ट केले.दरम्यान आ. प्रताप पाटील चिखलीकर, व मान्यवर यांच्या हस्ते सभा मंडपाचे भूमी पूजन करण्यात आले. सभा स्थळ, व हेलिपॅड उतरण्याचे ठिकाण यांची ही पाहणी केली. 

यावेळी राष्ट्रवादी काँग्रेस पार्टीचे प्रदेश उपाध्यक्ष व्यंकटराव पाटील गोजेगावकर, मा. आ. मोहनराव हंबर्डे, मा. आ. ओमप्रकाश पोकर्णा, मा. आ. अविनाशराव घाटे, राष्ट्रवादी काँग्रेस पार्टीचे जिल्हाध्यक्ष दिलीपराव धर्माधिकारी, जिल्हाध्यक्ष बाळासाहेब पाटील रावगावकर, प्रदेश सरचिटणीस वसंतराव सुगावे, मा. सभापती अशोक पाटील मुगावकर, रामदास पाटील सुमठाणकर, माजी जिल्हा परिषद सदस्य मीनलताई पाटील खतगावकर, राष्ट्रवादी युवक काँग्रेसचे प्रदेश सरचिटणीस कन्हैया कदम, स्वप्निल पाटील इंगळे, माधव पाटील, अनिकेत पाटील राजूरकर, देवेंद्र मोतीवार, संतोष नारलावार, दिगंबर कौरवार, अशोक कांबळे, धीरज पाटील यांच्यासह अनेकांची उपस्थिती होती.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)