🛑 टेंभुर्णी येथे मदरशाह वल्ली यात्रे निमित्ताने तीन दिवस भरगच्च कार्यक्रम

🔴 टेंभुर्णी येथे मदरशाह वल्ली यात्रे निमित्ताने तीन दिवस भरगच्च कार्यक्रम. 

संदल, चिराका, भव्य कुस्त्याचे आयोजन. 

शिवगर्जना न्यूज, 

नायगाव : बाळासाहेब पांडे 

नायगाव तालुक्यातील टेंभुर्णी येथे मदरशाह वली यात्रा निमित्ताने दर वर्षी प्रमाणे विविध कार्यक्रमाचे आयोजन करण्यात आले असून सर्वधर्म समभाव जोपासत निघणारा हा संदल दिनांक १७ मार्च सोमवारी संध्याकाळी आठ वाजता गोपाळ अनंत देशपांडे यांच्या घरा पासून निघणार आहे.

दरवर्षी येथे भव्य यात्रा भरवली जाते. मन्याड नदीच्या काठावर वसलेल्या नायगाव तालुक्यातील टेंभुर्णी हे गाव आहे. येथील मदरशाह वली यांच्या समाधीचे ठिकाण मन्याड नदीच्या काठावर आहे. अनेकांच्या नवसाला पावणारे म्हणून या भागात हे प्रसिद्ध आहे. मांजरम तालुका नायगाव येथील ज्येष्ठ पत्रकार बाळासाहेब पांडे व टेंभुर्णी येथील गोपाळ अनंत देशपांडे यांच्या जन्माच्या नवसाने हा संदल दरवर्षी यात्रेला निघतो. जवळ पास ५५ वर्षाची परंपरा या यात्रेला आहे. हिंदू मुस्लिम सर्व भाई भाई या नात्याने हा संदल व यात्रा एकत्र येऊन साजरी करतात याचे प्रतीक आज ही या गावात जोपासले जात आहे.

दिनांक १८ मार्च रोजी चिराका तर दिनांक १९ मार्च रोजी भव्य यात्रा येथे भरणार आहे.यात्रे निमित्ताने सकाळी मदरशाह वली यांचे पूजन नंतर दुपारी मन्याड नदीच्या काठावर भव्य कुसत्याची दंगल भरवली जाणार आहे. तरी पंचक्रोशीतील व्यक्तींनी या यात्रेच्या काळात होणाऱ्या कार्यक्रमाचा लाभ घ्यावा असे येथील पुजारी, यात्रा समिती, ग्रामस्थ, ग्राम पंचायत सरपंच व पदाधिकारी टेंभुर्णी यांनी आवाहन केले आहे.

शिवगर्जना न्यूज संपादक : श्री शहाजी वरखिंडे

बातम्या व जाहिरातीसाठी संपर्क 🗣📲📞(9923072242)