🛑सत्कार्याचा मार्ग सत्कारापर्यंत घेऊन जातो— बालाजी खतगावकर

🔴 सत्कार्याचा मार्ग सत्कारापर्यंत घेऊन जातो—- बालाजी पेटेकर खतगावकर. 

शिवगर्जना न्यूज, 

प्रतिनिधी : हणमंत कदम

कोणतेही यश सहजा सहजी मिळत नाही. त्यासाठी संघर्ष करावे लागते. कार्य तर आपण करतोय पण परिश्रम, जिद्द, सातत्य या चांगल्या मार्गाने चालल्यास आपण सत्कारापर्यंत जाऊ शकतो आणि सत्कार हे आपल्याला भावी आयुष्यामध्ये प्रेरणादायी ठरत असतात असे विचार प्रख्यात साहित्यिक बालाजी पेटेकर खतगावकर यांनी मांडले.

गजानन माध्यमिक विद्यालय तडखेल ता.देगलूर येथे दहावीच्या विद्यार्थ्यांना निरोप देण्यात आला. त्यावेळी ते बोलत होते. कार्यक्रमाचे अध्यक्षस्थानी शाळेचे मुख्याध्यापक, आटकळे सर हे होते तर प्रमुख व्याख्याते साहित्यीक बालाजी पेटेकर खतगावकर हे होते. ऋतुजा आणि दिंडे शुभ्रा यांनी स्वागत गीताने कार्यक्रमाची सुरुवात केली.या कार्यक्रमास कवी बालाजी पेटेकर यांनी विद्यार्थ्यांना मार्गदर्शन करून भावी आयुष्या मध्ये यशस्वी कसं झालं पाहिजे आणि कोणत्याही गोष्टीं मध्ये सातत्य ठेवल्यास यश दूर नाही असे प्रतिपादन केले.

यावेळी कु.दिंडे, डुकरे, गोरनाळे, काळे, सोनकांबळे, चवळे, चमकुरे टाकळे, आजेगावे, सावळे, ठाणेकर, गडगे, देवकते आदी विद्यार्थ्यांनी आपले मनोगत व्यक्त केले. यावेळी प्रकाश पाटील शेवाळे, गायकवाड, हराळे, इंगळे, वडजे, शिंदे, शेख, सुकाळे, बोधले, पनेरकर सरां सहीत केरबा, सौ. कमल, सुलोचना व विद्यार्थी, विद्यार्थिनी उपस्थित होते. कार्यक्रमाचे सुंदर सूत्र संचालन कु.मोगावार पल्लवी हिने केले तर कार्यक्रमाचे आभार श्री हराळे सर यांनी मांनले. यावेळी पालक, शिक्षक व विद्यार्थी विद्यार्थिनी उपस्थित होते.

शिवगर्जना न्यूज संपादक : श्री ना. शहाजी वरखिंडे

बातम्या व जाहिरातीसाठी संपर्क 🗣📲📞(9923072242)