🛑 दुष्काळाच्या मागणीसाठी काँग्रेस आक्रमक घंटा नाद आंदोलनातून सरकारला इशारा

17

By Shahaji Warkhinde

September 24, 2026

🛑 दुष्काळाच्या मागणीसाठी काँग्रेस आक्रमक घंटा नाद आंदोलनातून सरकारला इशारा.

शिवगर्जना न्यूज

नायगाव : बाळासाहेब पांडे

नायगाव तालुक्यात पावसाअभावी निर्माण झालेली दुष्काळसदृश परिस्थिती लक्षात घेऊन तालुका तातडीने दुष्काळग्रस्त जाहीर करावा, या मागणीसाठी महाराष्ट्र प्रदेश काँग्रेस कमिटीच्या सूचनेनुसार नायगाव शहर व तालुका काँग्रेस कमिटी वतीने तहसील कार्यालयासमोर घंटानाद आंदोलन करण्यात आले. नांदेड खासदार रवींद्र पाटील चव्हाण यांच्या मार्गदर्शनाखाली प्रतिनिधी पंकज हणमंतराव चव्हाण यांच्या नेतृत्वाखाली आंदोलन झाले.

तालुक्यात यंदा पावसाचे प्रमाण अत्यल्प राहिल्याने खरीप पिकांवर मोठे संकट निर्माण झाले आहे. पिकांचे नुकसान होण्याची शक्यता वाढल्याने शेतकरी आर्थिक अडचणीत सापडला आहे. त्यामुळे नायगाव तालुका तातडीने दुष्काळग्रस्त घोषित करून शेतकऱ्यांना शासनाच्या नियमानुसार आवश्यक सवलती व आर्थिक मदत द्यावी, अशी मागणी आंदोलकांनी केली.

यावेळी तहसील कार्यालयामार्फत प्रशासनाला निवेदन सादर करण्यात आले. दुष्काळसदृश परिस्थितीची तातडीने पाहणी करून शेतकऱ्यांना दिलासा देण्यासाठी आवश्यक उपाययोजना कराव्यात, अशी मागणी निवेदनातून करण्यात आले.

आंदोलनात तालुका काँग्रेस अध्यक्ष गंगाधर पाटील बेलकर, सेवादल जिल्हाध्यक्ष गणेश पाटील ढगे, नगरसेवक रवींद्र भालेराव, नगरसेवक विठ्ठल बिळगे, तालुका उपाध्यक्ष संभाजी पाटील शिंदे, अंतरगावकर अशोक पाटील शिंदे, गोविंदराव पाटील इजतगावकर, अविनाश पाटील कदम, मारुतराव जोनकले, शरद पाटील, मारुती पाटील मोरे, गजानन पाटील शिंदे, लालबा सूर्यवंशी यांच्यासह काँग्रेस पदाधिकारी, कार्यकर्ते व शेतकरी बांधव मोठ्या संख्येने सहभागी झाले.

🔴मुख्य संपादक: श्री शहाजी वरखिंडे मो. 9923072242

Previous article

🛑 भौगोलिकदृष्ट्या नायगाव जिल्हा होणे काळाची गरज खा. रवींद्र चव्हाण

Next article

🛑 शिक्षणमंत्री दादाजी भुसे यांना ज्येष्ठ पत्रकार प्रल्हाद भंडारे दुगावकर यांचे निवेदन

Shahaji Warkhinde

ताज्या बातम्या

ताज्या बातम्या