🛑 अंतरवाली बैठकीत मराठा आरक्षणाच्या पुढील लढ्याची रणनीती व कार्यकर्त्यांची उपस्थिती

9

By Shahaji Warkhinde

August 2, 2026

🔴 अंतरवाली बैठकीत मराठा आरक्षणाच्या पुढील लढ्याची रणनीती; नायगावातून होटाळकरांसह कार्यकर्त्यांची उपस्थिती.

शिवगर्जना न्यूज,

नायगाव : बाळासाहेब पांडे

मराठा आरक्षणाच्या प्रश्नावर पुढील आंदोलनाची दिशा, शासनाशी होणारा संवाद आणि आगामी नियोजन याबाबत चर्चा करण्यासाठी जालना जिल्ह्यातील अंतरवाली सराटी येथे आयोजित राज्यस्तरीय बैठकीस नायगाव तालुक्यातील अनेक कार्यकर्त्यांनी उत्स्फूर्त सहभाग नोंदविला.

मराठा संघर्षयोद्धा मनोज जरांगे-पाटील यांच्या मार्गदर्शनाखाली झालेल्या या बैठकीत आरक्षण आंदोलनाची पुढील रणनीती, आंदोलनादरम्यान दाखल झालेले गुन्हे, शासनाशी होणारा संवाद आणि समाजाची एकजूट कायम ठेवण्याबाबत सविस्तर चर्चा करण्यात आली. राज्यभरातील मराठा समाजातील पदाधिकारी व कार्यकर्त्यांनी मोठ्या संख्येने बैठकीस हजेरी लावली.

यावेळी सकल मराठा समाजाच्या वतीने समाजबांधवांना संघटित राहून आगामी आंदोलनात सक्रिय सहभाग नोंदविण्याचे आवाहन करण्यात आले. त्यानुसार नायगाव तालुक्यातील शेकडो कार्यकर्त्यांनी अंतरवाली सराटी येथे उपस्थित राहून मराठा आरक्षणाच्या लढ्याला पाठिंबा दर्शविला.

बैठकीस शिवराज पाटील होटाळकर, रणजित पाटील देशमुख नरंगलकर, गजानन पाटील कदम, बाळाजी पाटील धनंजकर, आनंद पाटील शिंदे, गुलाब पाटील कदम, श्रीपत पाटील शिंदे, कैलास पाटील जाधव, प्रदीप पाटील पवळे, आनंद पाटील हंडंगे, संदीप पाटील कदम, सटवाजी मोदलबाड, योगेश पाटील पवळे, माधव पाटील उपासे, दयानंद पाटील मोरे, गजानन पाटील शिंदे आदींसह अनेक कार्यकर्ते उपस्थित होते.

🎯 मराठा आरक्षणासाठी एकजूट कायम ठेवण्याचे आवाहन अंतरवाली सराटी येथील बैठकीत मराठा आरक्षणाच्या लढ्याला अधिक बळकटी देण्यासाठी राज्यभरातील समाजबांधवांनी संघटित राहावे, आगामी आंदोलनासाठी सज्ज राहावे आणि शासनाशी होणाऱ्या चर्चेला सकारात्मक दिशा देण्यासाठी सक्रिय भूमिका घ्यावी, असे आवाहन करण्यात आले.

🔴मुख्य संपादक: श्री शहाजी वरखिंडे

मो. 9923072242

Previous article

🛑 देगलूर–नांदेड महामार्गावर भीषण अपघात; दुचाकीस्वाराचा जागीच मृत्यू, एक गंभीर

Next article

🛑 सैनिकाच्या सामाजिक योगदानाला BEHUMANS वेल्फेअर फाउंडेशनचा सलाम.

Shahaji Warkhinde

ताज्या बातम्या

ताज्या बातम्या