🛑 वाढदिवसानिमित्त श्रावण पाटील भिलवंडे यांच्यावर शुभेच्छांचा वर्षाव; जनतेचा उत्स्फूर्त प्रतिसाद

🛑 वाढदिवसानिमित्त श्रावण पाटील भिलवंडे यांच्यावर शुभेच्छांचा वर्षाव; जनतेचा उत्स्फूर्त प्रतिसाद

शिवगर्जना न्यूज,

नायगाव : प्रतिनिधी बाळासाहेब पांडे

पुष्पहारांचा वर्षाव; राजकीय, सामाजिक, सहकार क्षेत्रातील मान्यवरांची उपस्थिती, दिवसभर उत्सवी वातावरण

नायगाव : भारतीय जनता पक्षाचे ज्येष्ठ नेते, नायगाव पंचायत समितीचे माजी सभापती तसेच नरसी येथील श्री तुळजाभवानी जिनिंग संस्थेचे चेअरमन श्रावण पाटील भिलवंडे यांचा वाढदिवस रविवारी (दि. १९) नायगाव तालुक्यात अभूतपूर्व उत्साह, जल्लोष आणि जनस्नेहाच्या वातावरणात साजरा झाला. दिवसभर त्यांच्या निवासस्थानी शुभेच्छुकांची अक्षरशः रीघ लागली होती. राजकीय, सामाजिक, सहकार, शैक्षणिक तसेच पत्रकारिता क्षेत्रातील मान्यवरांसह शेकडो कार्यकर्ते आणि नागरिकांनी भेट देऊन त्यांना वाढदिवसाच्या शुभेच्छा दिल्या.

ग्रामीण भागातील जनतेशी कायम जिव्हाळ्याचे नाते जपणारे आणि कार्यकर्त्यांना बळ देणारे नेतृत्व म्हणून श्रावण पाटील भिलवंडे यांची ओळख आहे. भारतीय जनता पक्षाच्या संघटनात्मक कामात त्यांनी सातत्याने महत्त्वाची भूमिका बजावत पक्षविस्तारासाठी मोलाचे योगदान दिले आहे. शेतकरी, युवक, सर्वसामान्य नागरिक तसेच ग्रामीण विकासाशी निगडित प्रश्नांवर सातत्याने पाठपुरावा करून त्यांनी लोकाभिमुख नेतृत्वाची छाप उमटविली आहे. साधेपणा, दिलदार स्वभाव, सर्वांना सोबत घेऊन चालण्याची कार्यशैली आणि प्रत्येकाच्या सुख-दुःखात सहभागी होण्याची वृत्ती यामुळे भिलवंडे यांनी समाजातील सर्व स्तरांमध्ये विश्वासाचे स्थान निर्माण केले आहे. मदतीसाठी आलेल्या प्रत्येकाला शक्य ते सहकार्य करण्याच्या त्यांच्या भूमिकेमुळे त्यांच्याविषयी नागरिकांमध्ये विशेष आत्मीयता असल्याचे यावेळी दिसून आले.

वाढदिवसानिमित्त नांदेड जिल्हा मध्यवर्ती सहकारी बँकेचे नूतन संचालक श्रीनिवास पाटील चव्हाण, दत्ता पाटील होटाळकर, प्रा. समदानी शेळगावकर, माधव पाटील घाटोळे, रंजीत देशमुख, पोलीस पाटील इब्राहिम बेग, माजी सरपंच गजानन पाटील भिलवंडे, सुधाकर पाटील बावणे, गंगाधर वडगावे, ज्येष्ठ पत्रकार राम तरटे, बाळासाहेब पांडे, मुख्याध्यापक नंदकिशोर टोकलवाड, ग्रामविकास अधिकारी पांडुरंग नागेश्वर, धनराज शिरोळे, कैलास पांचाळ, सय्यद खलील सेठ, दिलीप पाटील पांढरे, गंगाधर भेदे, शंकर तमनबोईनवाड यांच्यासह भाजपचे पदाधिकारी, विविध संस्थांचे प्रतिनिधी, पत्रकार, मित्रपरिवार आणि असंख्य नागरिक उपस्थित होते.

कार्यकर्त्यांनी पुष्पहारांचा वर्षाव करून आपल्या लोकप्रिय नेत्याविषयीचा स्नेह व्यक्त केला. उपस्थितांनी त्यांच्या उत्तम आरोग्य, दीर्घायुष्य आणि आगामी सामाजिक-राजकीय वाटचालीसाठी मनःपूर्वक शुभेच्छा दिल्या. दिवसभर परिसरात उत्सवी वातावरण पाहायला मिळाले.

समाजहितासाठीची अखंड धडपड, जनतेशी असलेला जिव्हाळ्याचा संवाद आणि कार्यकर्त्यांशी आत्मीयतेचे नाते यामुळे श्रावण पाटील भिलवंडे यांचा वाढदिवस हा केवळ शुभेच्छांचा कार्यक्रम न ठरता ‘जनस्नेहाचा उत्सव’ ठरल्याची भावना उपस्थितांनी व्यक्त केली.

🔴मुख्य संपादक: श्री शहाजी वरखिंडे

9923072242