🛑 निकृष्ट दर्जा कामाच्या चौकशीसाठी समिती स्थापना शिवसेना ठाकरे आंदोलनाचा दणका.

🔴 लेंडी प्रकल्पातील निकृष्ट दर्जाची कामाची चौकशी करण्यासाठी समिती स्थापना — शिवसेना ठाकरे आंदोलनाचा दणका.

शिवगर्जना न्यूज,

देगलूर प्रतिनिधी

देगलूर — महाराष्ट्र व तेलंगणा राज्याच्या संयुक्तपणे चालू असलेल्या बहु प्रतिक्षित लेंडी प्रकल्पातील निकृष्ट दर्जाचा कामाची चौकशी करण्यासाठी मुख्य अभियंता अरुण नाईक जलसंपदा विभाग संभाजीनगर मुख्य कार्यालय नांदेड यांनी तज्ज्ञांची चौकशी समितीची स्थापना करून १० दिवसात अहवाल सादर करण्याचे लेखी आदेश दिले आहे.

सविस्तर, महाराष्ट्र/ तेलंगणा राज्यातील शेतकऱ्यांना वरदान असलेल्या लेंडी प्रकल्पाचे काम अंतिम टप्प्यात आले असून सध्या प्रकाल्पाच्या घळभरणीचे काम चालू आहे सदरील घळभरणीचे काम ज्या कंपनीला पुर्व अनुभव नसतानाही महत्त्वाचे काम देण्यात आले. सुजाता कन्स्ट्रक्शन कंपनीने मुळे कंपनीने टाकून दिलेले वेस्ट निकृष्ट दर्जाचे साहित्य माती, मुरुम, दगड रेती वापरून काम चालू असुन या कामाची चौकशी करून, सुजाता कन्स्ट्रक्शन कंपनीवर कारवाई करण्यात यावी अशी मागणी करीत शिवसेना उद्धव बाळासाहेब ठाकरे पक्षाच्या वतीने नांदेड येथे आमरण उपोषण, संभाजीनगर येथून नव्यानेच नांदेड येथे कार्यान्वित झालेल्या मुख्य अभियंता जलसंपदा विभाग कार्यालय समोर निदर्शने व हलगी बजाओ आंदोलन करण्यात आले. तसेच देगलूर येथील कार्यकारी अभियंता भक्तापुर रोडवरील लेंडी प्रकल्पाच्या कार्यालयाच्या प्रवेश दारासमोर भरपावसात तगड्या पोलीस बंदोबस्तात तीव्र निदर्शने, घोषणाबाजी, हलगी बजाओ आंदोलन दुपारी ११ ते रात्री ०७ वाजे पर्यंत करण्यात आले. वारंवार होत असलेल्या या आंदोलनाचा धडाक्याची धास्ती घेऊन व आंदोलनाची दखल घेऊन मुख्य अभियंता अरुण नाईक जलसंपदा विभाग संभाजीनगर मुख्य कार्यालय नांदेड यांनी सदरील घळभरणीचे कामाची चौकशी करण्यासाठी इलियास मु.चिश्ती यांच्या अध्यक्षतेखाली त्रिसदस्यीय समिती स्थापन करण्यात आली. या समितीमध्ये चारुदत्त या. बनसोड कार्यकारी अभियंता पाटबंधारे विभाग नांदेड यांची सदस्य तर कार्यकारी अभियंता लेंडी प्रकल्प प्रणव मुदगल यांची समिती सचिव म्हणून नेमणूक करून १० दिवसात अहवाल सादर करण्याचे आदेश दिले आहेत. चौकशीत गैरप्रकार निष्पन्न झाले तर दोषी अधिकाऱ्यांवर व सुजाता कन्स्ट्रक्शन कंपनीवर कारवाई करण्याचे आश्वासन चौकशीची मागणी करणाऱ्या शिवसेना उद्धव बाळासाहेब ठाकरे पक्षाचे उपजिल्हाप्रमुख महेश पाटील, देगलूर बिलोली विधानसभा मतदारसंघ प्रमुख पांडुरंग पाटील थडके देगावकर, शिवसेना देगलूर शहर प्रमुख भगवान जाधव, शहर प्रमुख मष्णाजी पैलावार, युवा सेना तालुका प्रमुख तथा शिवसेना सोशल मीडिया प्रमुख भागवत पाटील सोमुरकर, युवा सेना शहर प्रमुख विनोद सोनकांबळे, आंदोलन करणाऱ्या पदाधिकारी यांना मुख्य अभियंता अरुण नाईक यांनी दिले आहेत.

चौकशी निःपक्षपाती प्रमाणे करण्यात यावे, अधिकाऱ्यांना व सुजाता कन्स्ट्रक्शनला वाचविण्याच्या प्रयत्न झाल्यास अन्यथा मुंबई येथील मंत्रालय आझाद मैदानावर उपोषण व देगलूर येथील नवीन बसस्थानक समोर नांदेड- हैदराबाद – दिल्ली कडे जाणाऱ्या नॅशनल हायवेवर रास्ता रोको आंदोलन करण्याचा इशारा निवेदनात दिला आहे.

🔴मुख्य संपादक: श्री शहाजी वरखिंडे

मो. 9923072242