🛑 ‘उत्कर्ष भारत सन्मान सोहळा – पुणे २०२६’ साठी नामांकन प्रस्ताव पाठविण्याचे आवाहन.

🔴 ‘उत्कर्ष भारत सन्मान सोहळा – पुणे २०२६’ साठी नामांकन प्रस्ताव पाठविण्याचे आवाहन.

शिवगर्जना न्यूज,

पुणे प्रतिनिधी : आदमाने

पुणे : समाज, राष्ट्र आणि मानवतेच्या उन्नतीसाठी विविध क्षेत्रांत उल्लेखनीय, प्रेरणादायी व समाजहिताचे कार्य करणाऱ्या व्यक्ती, संस्था आणि संघटनांचा गौरव करण्याच्या उद्देशाने आसरा सोशल फाउंडेशन, पुणे आणि ॐ पब्लिकेशन, महाराष्ट्र यांच्या संयुक्त विद्यमाने ‘उत्कर्ष भारत सन्मान सोहळा – पुणे २०२६’ या भव्य राष्ट्रीय पुरस्कार वितरण व पुस्तक प्रकाशन सोहळ्याचे आयोजन करण्यात आले आहे. या निमित्ताने राज्यभरातून तसेच देशातील विविध भागांतून पात्र व्यक्ती, संस्था व संघटनांचे नामांकन प्रस्ताव पाठविण्याचे आवाहन आयोजकांनी केले आहे.

समाजातील सकारात्मक बदल घडविणाऱ्या, आपल्या कार्यातून इतरांसाठी प्रेरणादायी ठरलेल्या व्यक्तींचा सन्मान करण्यासाठी हा उपक्रम राबविण्यात येत असून, शिक्षण, आरोग्य, समाजसेवा, उद्योग, साहित्य, कला व संस्कृती, पर्यावरण, पत्रकारिता, महिला सक्षमीकरण, कृषी, व्यवसाय, युवा नेतृत्व तसेच इतर विविध क्षेत्रांतील उल्लेखनीय योगदानाची दखल घेत राष्ट्रीय स्तरावरील पुरस्कार प्रदान करण्यात येणार आहेत.

या सोहळ्यात लोकमान्य समाज जीवनगौरव पुरस्कार, भारत ज्योती प्रतिभा पुरस्कार, लोकहितार्थ उत्कर्ष सन्मान पुरस्कार, गुणवंत भारत उत्कर्ष पुरस्कार, राष्ट्रीय यशदीप कर्तृत्व पुरस्कार, राष्ट्रीय साहित्य सूर्य तेजोमय पुरस्कार, इंडिया स्टार बिझनेस अवॉर्ड, ग्लोबल इंडिया सोशल अवॉर्ड, भारत उत्कर्ष कृषिरत्न पुरस्कार, लोकमान्य कलादीप सेवा पुरस्कार, लोकमान्य राष्ट्र गौरव पुरस्कार तसेच नॅशनल प्राईड ऑफ इंडिया अवॉर्ड अशा विविध राष्ट्रीय पुरस्कारांनी मान्यवरांचा गौरव करण्यात येणार आहे.

इच्छुकांनी अथवा पात्र व्यक्तींची शिफारस करू इच्छिणाऱ्या संस्था, संघटना व नागरिकांनी संबंधित व्यक्तीची संपूर्ण माहिती, कार्याचा संक्षिप्त परिचय, छायाचित्र व आवश्यक कागदपत्रे 9359337468 या WhatsApp द्वारे आयोजकांकडे पाठवावीत. नामांकन प्रस्ताव स्वीकारण्याची अंतिम तारीख १५ जुलै २०२६ असून, त्यानंतर प्राप्त होणाऱ्या प्रस्तावांचा विचार केला जाणार नसल्याचे आयोजकांनी स्पष्ट केले आहे.

हा भव्य राष्ट्रीय सन्मान सोहळा रविवार, दि. २६ जुलै २०२६ रोजी सकाळी १०.३० वाजता, पत्रकार भवन, गंजवे चौक, नवी पेठ, पुणे येथे आयोजित करण्यात आला आहे. कार्यक्रमास प्रमुख अतिथी म्हणून ८९ अखिल भारतीय मराठी साहित्य संमेलनाचे अध्यक्ष ज्येष्ठ साहित्यिक, लेखक, समीक्षक मा.डॉ. श्रीपाल सबनीस पुणे व मराठी चित्रपट, नाट्य व दूरदर्शन क्षेत्रातील ज्येष्ठ अभिनेते मा. विजय गोखले हे शुभ हस्ते उपस्थित राहणार असून, विविध क्षेत्रांतील मान्यवर, साहित्यिक, सामाजिक कार्यकर्ते, उद्योजक, पत्रकार आणि पुरस्कारार्थी मोठ्या संख्येने सहभागी होणार आहेत.

या राष्ट्रीय सन्मान सोहळ्यात सहभागी होण्याची संधी इच्छुकांनी गमावू नये आणि पात्र व्यक्तींचे नामांकन वेळेत पाठवावे, असे आवाहन कार्यक्रमाचे संयोजक समृद्धी प्रकाशन यांनी केले आहे. अधिक माहितीसाठी आयोजकांशी संपर्क साधावा, असेही प्रसिद्धीपत्रकात नमूद करण्यात आले आहे.

🔴मुख्य संपादक: श्री शहाजी ना. वरखिंडे

मो. 9923072242