🛑 आत्महत्या की हत्या? अभिषेक आहेर मृत्यू गुड कायम.

🔴 आत्महत्या की हत्या? अभिषेक आहेर मृत्यू गुढ कायम.

शिवगर्जना न्यूज,

प्रतिनिधी डॉ. शाम जाधव

कोपरगाव : करंजी गावातील एक घटना अभिषेक आहेर मृत्यू प्रकरणा आत्महत्या गळफास दि. १७ एप्रिल २०२६ रोजी करंजी येथील अभिषेक भाऊसाहेब आहेर यांचा मृतदेह झाडाला गळफास घेतलेल्या अवस्थेत आढळून आल्याने परिसरात खळबळ उडाली होती. पोलिसांनी अकस्मात मृत्यूची नोंद करून तपास सुरू केला असला तरी आता या संशयित आरोपीला अटक नाही प्रकरणाला नवे वळण मिळाले आहे.

मयत अभिषेक आहेर यांचे वडील भाऊसाहेब आहेर यांनी आपल्या मुलाने आत्महत्या केली नसून त्याची हत्या झाल्याचा गंभीर आरोप केला आहे. त्यांनी पोलिसांकडे या प्रकरणात तात्काळ गुन्हा दाखल करून सखोल तपास करण्याची मागणी केली आहे.

भाऊसाहेब आहेर यांचे म्हणणे आहे की, “माझा मुलगा अभिषेक याने आत्महत्या केलेली नाही. त्याच्या मृत्यूमागे काहीतरी गंभीर कारण असून हा प्रकार संशयास्पद आहे. मी अडाणी असल्यामुळे माझ्या अज्ञानाचा फायदा घेऊन माझ्याकडून उलटसुलट जबाब घेण्यात आला. त्यामुळे सत्य दडपले जाण्याची शक्यता आहे.”

त्यांनी पुढे मागणी केली की, “या प्रकरणात प्रथम गुन्हा दाखल करण्यात यावा. गुन्हा दाखल झाल्यानंतरच तपास योग्य दिशेने होईल आणि माझ्या मुलाच्या मृत्यूमागील खरे सत्य समोर येईल. या घटनेत जो कोणी दोषी असेल त्याचा शोध घेऊन त्याच्यावर कठोर कायदेशीर कारवाई करण्यात यावी.”

या गंभीर आरोपांमुळे करंजी परिसरात चर्चेला उधाण आले असून नागरिकांमधून ही निष्पक्ष आणि सखोल चौकशीची मागणी होत आहे. आत्महत्या म्हणून नोंद झालेल्या या प्रकरणात आता कुटुंबीयांनी थेट हत्येचा संशय व्यक्त केल्याने पोलिसांच्या पुढील तपासाकडे सर्वांचे लक्ष लागले आहे. “माझ्या मुलाच्या मृत्यूचे सत्य बाहेर आणा; प्रथम गुन्हा दाखल करा” — भाऊसाहेब आहेर अभिषेक भाऊसाहेब आहेर मृत्यू प्रकरणात हत्येचा संशय; वडिलांची गुन्हा दाखल करून सखोल तपासाची मागणी करावी.

🔴मुख्य संपादक: श्री शहाजी वरखिंडे

मो. 9923072242