🛑 संतश्रेष्ठ तुकाराम महाराजांचे विद्यमान ११ वे वंशज पुंडलिक महाराज यांचे किर्तन

🔴 नरसीत ग्रामसेवक पवळे यांच्या सेवापूर्ती निमित्त भव्य कीर्तन सोहळा. 

शिवगर्जना न्यूज, 

नायगाव : बाळासाहेब पांडे  

नायगाव तालुक्यातील नरसी येथे ग्रामपंचायत अधिकारी ह.भ.प. केशव आनंदराव पवळे यांच्या सेवापूर्ती निमित्त भव्य व भक्तिमय कीर्तन सोहळ्याचे आयोजन करण्यात आले आहे. या सोहळ्यामुळे परिसरात धार्मिक व आध्यात्मिक वातावरण निर्माण होणार असून भाविकांसाठी हा कार्यक्रम प्रेरणादायी ठरणार आहे.

या कीर्तनासाठी देहू येथील श्रीगुरु ह.भ.प. पुंडलिक महाराज यांची प्रमुख उपस्थिती लाभणार आहे. संतश्रेष्ठ तुकाराम महाराजांचे विद्यमान ११ वे वंशज म्हणून ओळख असलेल्या पुंडलिक महाराज यांच्या ओजस्वी कीर्तनातून संत परंपरेचा संदेश, भक्ती भाव आणि समाजप्रबोधनाचा संगम अनुभवण्याची संधी उपस्थितांना मिळणार आहे.

हा सोहळा मंगळवार, दि. १४ एप्रिल २०२६ रोजी सकाळी १० वाजता नरसी येथील शिवकृपा मंगल कार्यालय येथे पार पडणार आहे. कीर्तनानंतर सर्व भाविकांसाठी महाप्रसाद (भोजन) व्यवस्था करण्यात आली असून, त्यानंतर १५१ वीणा वाटपाचा कार्यक्रम होणार आहे.

ह.भ.प. केशव पवळे यांनी आपल्या सेवाकाळात ग्रामविकासासाठी प्रामाणिक पणे व निष्ठेने कार्य केले आहे. त्यांच्या या योगदानाबद्दल कृतज्ञता व्यक्त करण्यासाठी गावकऱ्यांच्या वतीने हा सोहळा आयोजित करण्यात आला आहे.

या कार्यक्रमाचे आयोजन समस्त ग्रामस्थ, मरवाळी/कोपरा (ता. नायगाव) यांच्या वतीने करण्यात आले असून, जास्तीत जास्त भाविकांनी उपस्थित राहून सोहळ्याचा लाभ घ्यावा, असे आवाहन आयोजकांनी केले आहे.

शिवगर्जना न्यूज संपादक : श्री शहाजी वरखिंडे बातम्या व जाहिरातीसाठी संपर्क 🗣📲📞(9923072242)